انبیائی سنت کے مطابق صبر آزما حالات کا مقابلہ کریں:امیر جماعت کی ارکان دہلی کو تلقین

نئی دہلی:(پریس ریلیز)مصائب و آلام میں بھی ہمارے لیے بیش بہا مواقع پوشیدہ ہوتے ہیں۔ ضرورت اس بات کی ہے ہم حالات کو اس زاویہ نگاہ ((Perspective) سے دیکھیں کہ جس طرح انبیاء علیہم الصلوٰۃ والسلام مخالف حالات اور آزمائشوں میں بھی راہ حق پر جمے رہے۔
سید سعادت اللہ حسینی (امیر، جماعت اسلامی ہند) نےحلقہ دہلی کے ارکان و متوسلین جماعت کو مزید نصیحت کرتے ہوئے کہاکہ”حالات ہمارے لیے صبرآزما ہیں ٹھیک اسی طرح کہ جیسے انبیاء کرام و صحابہ کرام کے سامنے تھے۔ ان حالات کا تقاضا ہے کہ انبیائی سنتوں پر چلتے ہوئے حکمت پر مبنی ریسپانس دیں۔۔حالات متقاضی ہیں کہ ہندوستان کی عوام بالخصوص برادران وطن کو میڈیا یا سیاسی لیڈران کے ذریعہ نہیں بلکہ کہ آپ کے ذریعہ اسلام کا پیغام حاصل ہو۔”
عبد الوحید صاحب امیرحلقہ دہلی نےافتتاحی گفتگو میں اجتماع کی غرض و غایت بیان کی۔ بعد ازاں محمد آصف اقبال سکریٹری حلقہ نے روان میقات (2019تا 2023) کی مکمل رپورٹ پیش کی جس پر شرکاء کی جانب سے تبصرے و تاثرات پیش کیے گئی۔۔
اس اجتماع کا ایک اہم پروگرام مذاکرہ تھا، جس کے عنوان "تحریک اسلامی ہند، چیلنجز اور مواقع” پر منصور غازی، مفتی سہیل قاسمی اور نزہت یاسمین نے اظہار خیال کیا جبکہ اس سے قبل اس موضوع پر اظہار خیال کرتے ہوئے محی الدین شاکر مرکزی سکریٹری نے حالات کے چیلنجز کا سیر حاصل محاکمہ کیا اور داخلی و بیرونی چیلنجز کو ارکان جماعت کے سامنے رکھا۔
محمد احمد مرکزی سکریٹری، نے اجتماع کے مرکزی موضوع پر افتتاحی سیشن میں کلیدی خظبہ پیش کیا۔ اس میں انہوں نے ارکان جماعت کو اپنے نصب العین سے چمٹے رہنے اور تعلق باللہ کو مضبوط کرنے کی ترغیب دلائی۔۔
"جماعت اسلامی ہند کا 75 سالہ سفر” موضوع پر انجینیر محمد سلیم صاحب نائب امیرنے گرانقدر تجربات و مشاہدات و تاریخ کی روشنی میں موضوع پر سیر حاصل گفتگو کی۔ اس اجتماع میں ڈاکتر قاسم رسول الیاس صاحب، ڈاکٹر شفیق احمداصلاحی، ڈاکٹر وقار انورصاحب ، خان یاسر وغیرہ نے بھی ارکان سے اپنے خیالات کا اظہار کیا