اقرباءپروری پر طالبان سرکارسخت،افسروں کو حکم ،رشتے داروں کو نوکری سے ہٹائیں

کابل۔ افغانستان میں طالبان رہنما نے افغان حکام کے لیے ایک حکم نامہ جاری کیا ہے جس کے تحت کہا گیا ہے کہ وہ تمام اپنے بیٹوں اور رشتہ داروں کو فوری طور پر سرکاری عہدے سے برطرف کر دیں۔ ہیبت اللہ اخوندزادہ کے حکم نامے میں کہا گیا ہے کہ اہلکار اپنے بیٹوں اور خاندان کے دیگر افراد کو سرکاری عہدوں سے ہٹا دیں۔ نیز مستقبل میں وہ اپنے رشتہ داروں کو بھرتی کرنے سے گریز کریں۔
2021 میں افغانستان میں اقتدار سنبھالنے کے بعد طالبان نے کچھ سرکاری اہلکاروں کو برطرف کر دیا تھا۔ جبکہ کچھ اہلکار بھاگ گئے۔ دریں اثنا، طالبان کی حکومت پر کئی بار الزام لگایا گیا ہے کہ ذاتی روابط کی بنیاد پر غیر تجربہ کار عملے کو سرکاری عہدوں پر بھرتی کیا گیا۔ پاکستان کے پشاور سے شائع ہونے والی افغان اسلامک پریس کی رپورٹ کے مطابق یہ حکم نامہ ان الزامات کی بنیاد پر جاری کیا گیا ہے کہ طالبان کے کئی اعلیٰ عہدیداروں نے اپنے بیٹوں کو کئی اعلیٰ عہدوں پر بھرتی کیا ہے۔