معروف کنڑ اداکار چیتن کمار، جنھیں چیتن کمار اہنسا کے نام سے جانا جاتا ہے، منگل کو بنگلورو میں گرفتار کر لیا گیا۔ ان کی گرفتاری ہندوتوا پر ان کے ٹویٹ کے وائرل ہونے کے بعد کی گئی ہے۔ٹویٹ کے حوالے سے ان کے خلاف شکایت کی گئی کہ مبینہ طور پر ہندوؤں کے جذبات کو ٹھیس پہنچائی ہے۔ انہوں نے ٹویٹ میں لکھا، ‘ہندوتوا جھوٹ پر قائم ہے’۔
داکار چیتن کمار دلت اور آدیواسی کارکن ہیں۔ یہ دوسری بار ہے کہ انہیں ٹویٹ کرنے پر گرفتار کیا گیا ہے۔فروری 2022 میں، انہیں کرناٹک ہائی کورٹ کے جسٹس کرشنا ڈکشٹ پر قابل اعتراض ٹویٹ کرنے پر گرفتار کیا گیا تھا۔ تب عدالت میں حجاب کا مقدمہ چل رہا تھا۔
اب انہیں دوبارہ گرفتار کر لیا گیا ہے۔ شکایت موصول ہونے کے بعد، اسے بنگلورو میں شیشادری پورم پولیس نے اپنی تحویل میں لے لیا۔ اورپھرضلعی عدالت میں پیش کیا گیا۔
20 مارچ کو ایک ٹویٹ میں چیتن کمار نے دعویٰ کیا، "ہندوتوا جھوٹ پر استوار ہے۔ ساورکر: ہندوستانی ‘قوم’ اس وقت شروع ہوئی جب رام نے راون کو شکست دی اور ایودھیا واپس آئے –> ایک جھوٹ
اس کے ٹویٹ کرنے کے چند گھنٹے بعد، ہندو نواز تنظیموں نے ان کے خلاف شکایت درج کرائی اور شیشادری پورم پولیس اسٹیشن میں ایف آئی آر درج کی گئی۔
چیتن کمار پر کسی مذہب یا مذہبی جذبات کی توہین کرنے اور طبقات کے درمیان دشمنی کو فروغ دینے والے بیانات دینے کا الزام عائد کیا گیا ہے۔
