مودی مخالف قابل اعتراض پوسٹر لگانے پر 100ایف آئی آر،4گرفتار

نئی دہلی: وزیر اعظم نریندر مودی کے خلاف قابل اعتراض پوسٹروں کے معاملے میں بڑی کارروائی کرتے ہوئے، دہلی پولیس نے اب تک 100 ایف آئی آر درج کی ہیں اور چار ملزمان کو گرفتار کیا ہے۔ درج کی گئی کل ایف آئی آرز میں سے 44 مودی مخالف پوسٹر لگانے کی ہیں۔ پولیس کے مطابق پوسٹرز میں پرنٹنگ پریس کا نام نہیں لکھا گیا، اس لیے بڑے پیمانے پر کارروائی کی جا رہی ہے۔ دیواروں سے 2000 ہزار پوسٹرز ہٹا دیے گئے، جب کہ 2000 ہزار قبضے میں لیے گئے۔ اب تک 4 ملزمان کو گرفتار کیا گیا ہے جن میں سے 2 پرنٹنگ پریس کے مالکان ہیں۔ ان پوسٹروں پر لکھا تھا ’’مودی ہٹاؤ دیش بچاؤ‘‘۔
پی ایم مودی کے خلاف یہ قابل اعتراض پوسٹر دہلی کے مختلف علاقوں میں دیواروں اور ستونوں پر چسپاں پائے گئے۔ دہلی پولیس نے آئی پی اسٹیٹ علاقے سے ایک وین پکڑی، جس کے ڈرائیور نے بتایا کہ اس کے مالک نے کہا تھا کہ آپ کو پوسٹر ہیڈ کوارٹر پہنچانا ہے۔ وہ ایک دن پہلے بھی پوسٹر کو AAP ہیڈکوارٹر لے گئے تھے۔ دہلی پولیس نے 2 پرنٹنگ پریس کے مالکوں کو بھی گرفتار کیا، دونوں نے پوسٹرز پر اپنے پرنٹنگ پریس کا نام نہیں لکھا۔
این ڈی ٹی وی نے اپنی خبر میں پولیس کے حوالے سے بتایا کہ انہیں ایسے 50 ہزار پوسٹرز پرنٹ کرنے کا آرڈر ملا تھا۔ ہفتہ کی رات اور پیر کی صبح پوسٹر چسپاں کیے تھے۔ اس معاملے میں ضلع وسطی میں 2 ایف آئی آر درج کی گئی ہیں اور تین گرفتاریاں کی گئی ہیں۔ اس میں گاڑی کے ڈرائیور پپو کو گرفتار کیا گیا جس میں پوسٹر تھے۔ گاڑی کے مالک وشنو شرما کو گرفتار کر لیا گیا۔ نارائنا سے پرنٹنگ پریس کے مالک کو بھی گرفتار کیا گیا۔
واضح ہودہلی پولیس نے اس معاملے میں قابل ضمانت سیکشن کے تحت کارروائی کی، اس لیے تمام گرفتار لوگوں کو ضمانت مل گئی ہے۔(سورس این ڈی ٹی وی)