رامپور نے مامون’شاہ’کی’ملکہ’ثنا کو سلامی میں چییرپرسن میونسپل بورڈ کی کرسی کا تحفہ دیا

رام پور(خاص رپورٹ)ایسا صرف کتابوں میں پڑھا تھا مگر آنکھوں سے لوگوں نے پہلی بار دیکھا ہوگا یعنی چٹ بیاہ پٹ کرسی حالانکہ محاورہ ہے چٹ منگنی پٹ بیاہ ۔ یہ معاملہ ہے اعظم خاں کے شہر رامپور کا
ثنا خانم کی زندگی اس وقت مکمل طور پر بدل گئی جب انہوں نے مامون شاہ سے شادی کی اور چند ہی ہفتوں میں پرائیویٹ اسکول کی سابق ٹیچر رام پور میونسپل بورڈ کی چیئرپرسن بن گئیں۔
ان کی شادی 15 اپریل کو ہوئی جس کے اگلے ہی دن ثناء نے کاغذات نامزدگی داخل کرائے تھے۔ مامون شاہ خود الیکشن لڑنا چاہتے تھے، لیکن نہ لڑ سکے، کیونکہ یہ نشست خواتین کے لیے مخصوص تھی۔
انہوں نے این ڈی ٹی وی کو بتایا کہ وہ گزشتہ 20 سالوں سے سماجی خدمت کررہے ہیں، شہر میں پولیو کے خاتمے کے لیے بہت کام کیا ہے۔اس کے علاوہ انہوں نے بجلی کی سہولت فراہم کرنے میں بھی لگے رہے ،اور یہ سچائی ہے ۔ مامون پہلے کانگریس کے رام پور سٹی صدر تھےلیکن کانگریس ان کو ٹکٹ دینے کو تیار نہیں ہوئی جس کا خمیازہ بھگتا، انہوں نے عام آدمی پارٹی میں شمولیت اختیار کی۔اور’آپ ‘کو یہ سیٹ فری میں مل گئی
مامون شاہ نے بتایا، "شادی کا فیصلہ 13 اپریل کو ہوا تھا اور یہ 15 اپریل کو نکاح ہوگیا … ثنا نے 16 اپریل کو پرچہ نامزدگی داخل کیا تھا…” رام پور نگر پالیکا پریشد کی نو منتخب صدر نے واضح طور پر کہا کہ ان کی شادی باضابطہ طے کی گئی تھی۔ . ثنا خانم کا کہنا تھا کہ ‘شادی پاک مہینے (رمضان) میں ہوئی تھی… یہ قسمت نے لکھا تھا… الیکشن لڑنے کا فیصلہ شادی کے بعد کیا گیا، کیونکہ سیٹ خواتین کے لیے مخصوص قرار دی گئی تھی۔’
انہوں نے کہا کہ انتخابی مہم کے دوران عوام کے مسائل کو بہت قریب سے دیکھا اور اب ان کے حل کے لیے ہر ممکن کوشش کریں گی۔ ثنا خانم نے یہ بھی کہا کہ ان کی اسٹوڈنٹس شہری بلدیاتی انتخابات میں ان کی جیت سے پرجوش ہیں۔
45 سالہ مامون شاہ نے دعویٰ کیا کہ مقامی لوگ ان سے محبت کرتے ہیں کیونکہ وہ مشکل کی گھڑی میں ان کے ساتھ کھڑے تھے۔ انہوں نے کہا کہ جن لوگوں نے پچھلے 40 سالوں میں صرف اعظم خان کو ووٹ دیا انہوں نے اس بار ہمیں ووٹ دیا ہے، انہوں نے مان لیا تھا کہ میں نے ان کی مدد کی تھی لیکن پھر بھی اعظم خان کو ووٹ دیا۔
لوگوں کی حمایت کے لیے شکریہ ادا کرتے ہوئے ثنا خانم نے خبر رساں ایجنسی پی ٹی آئی کو بتایا، "میں ہر اس شخص کا شکریہ ادا کرنا چاہوں گی جنہوں نے میری حمایت کی اور مجھے جیتنے میں مدد کی… چیزیں تھوڑی مشکل تھیں، لیکن ‘مامون صاحب’ (شوہر) اور لوگوں کی حمایت سے ہمیں کامیابی ملی… ٹیم ورک ہو تو کسی بھی مشکل صورتحال پر قابو پانا مشکل نہیں ہوتا۔
رامپور کے ووٹروں کا کہنا ہے کہ مامون ‘شاہ’کی ‘ملکہ’ثنا خانم کو انہوں نے سلامی میں چئیرپرسن نگرپالیکا پریشد کی کرسی پیش کی ہے