یوپی کی 80 میں سے 51سیٹوں پر بی جے پی نے امیدوار اتارے،ورن گاندھی،مینیکا،برج بھوشن پر سسپنس

بی جے پی نے 195 پارلیمانی سیٹوں کے لیے مقرر کردہ امیدواروں کی جو فہرست جاری کی ہے اس کے مطابق وزیر اعظم نریندر مودی کو ایک بار پھر وارانسی سے انتخابی میدان میں اتارنے کا فیصلہ کیا گیا ہے۔ امت شاہ گاندھی نگر سے کھڑے ہوں گے اور آنجہانی سشما سوراج کی بیٹی کو نئی دہلی پارلیمانی سیٹ سے کھڑا کرنے کا اعلان کیا گیا ہے۔ اس فہرست میں 34 مرکزی و ریاستی وزراء کے نام شامل کیے گئے ہیں
جے پی نے 195 پارلیمانی سیٹوں کے لیے مقرر کردہ امیدواروں کی جو فہرست جاری کی ہے اس کے مطابق وزیر اعظم نریندر مودی کو ایک بار پھر وارانسی سے انتخابی میدان میں اتارنے کا فیصلہ کیا گیا ہے۔ امت شاہ گاندھی نگر سے کھڑے ہوں گے اور آنجہانی سشما سوراج کی بیٹی کو نئی دہلی پارلیمانی سیٹ سے کھڑا کرنے کا اعلان کیا گیا ہے۔ اس فہرست میں 34 مرکزی و ریاستی وزراء کے نام شامل کیے گئے ہیں۔
جے پی کے ذریعہ جاری امیدواروں کی پہلی فہرست پر نظر ڈالی جائے تو 195 امیدواروں میں سے 28 خاتون امیدوار ہیں اور 47 امیدوار ایسے ہیں جن کی عمر 50 سال سے کم ہے۔ امیدواروں کی اس پہلی فہرست میں 27 امیدوار درج فہرست ذات کے، 18 امیدوار درج فہرست قبائل کے اور 57 امیدوار دیگر پسماندہ طبقہ سے بھی تعلق رکھتے ہیں۔ دہلی کی جن پانچ پارلیمانی سیٹوں کے لیے امیدوار کا اعلان کیا گیا ہے، ان میں سے ایک تو نئی دہلی سیٹ ہے جہاں سے سشما سوراج کی بیٹی بانسری سوراج کھڑی ہوں گی، بقیہ چار سیٹوں پر رام ویر سنگھ بدھوڑی (جنوبی دہلی)، پروین کھنڈیلوال (چاندنی چوک)، منوج تیواری (شمال مشرقی دہلی) اور کمل جیت سہراوت (مغربی دہلی) کو موقع دیا گیا ہے۔
بی جے پی کی پہلی فہرست کے مطابق وزیر اعظم نریندر مودی ایک بار پھر وارانسی پارلیمانی حلقہ سے قسمت آزمائی کریں گے۔ جن 51 امیدواروں کے ناموں کا اعلان ہوا ہے ان میں پانچ خاتون امیدوار ہیں۔ ان میں سے اسمرتی ایرانی امیٹھی پارلیمانی حلقہ سے اور بالی ووڈ اداکارہ ہیما مالنی متھرا پارلیمانی حلقہ سے ایک بار پھر انتخابی میدان میں نظر آئیں گی۔ علاوہ ازیں دھورہرا سے ریکھا ورما، فتح پور سے سادھوی نرنجن جیوتی اور لال گنج سے نیلم سونکر میدان میں اتریں گی۔ آئیے نیچے دیکھتے ہیں بی جے پی نے کس امیدوار کو کس پارلیمانی حلقہ سے ٹکٹ دیا
نریندر مودی (وارانسی)، پردیپ کمار (کیرانہ)، ڈاکٹر سنجیو کمار بالیان (مظفر نگر)، اوم کمار (نگینہ)، گھنشیام لودھی (رامپور)، پرمیشور لال سینی (سنبھل)، کنور سنگھ تنور (امروہہ)، ڈاکٹر مہیش شرما (گوتم بدھ نگر)، ڈاکٹر بھولا سنگھ (بلند شہر)، ہیما مالنی (متھرا)، ستیہ پال سنگھ بگھیل (آگرہ)، راج کمار چاہر (فتح پور سیکری)، راجویر سنگھ عرف راجو بھیا (ایٹہ)، دھرمیندر کشیپ (آنولہ)، ارون کمار ساگر (شاہجہاں پور)، اجئے مشرا ٹینی (کھیری)، ریکھا ورما (دھورہرا)، راجیش ورما (سیتاپور)، جئے پرکاش راوت (ہردوئی)، اشوک کمار راوت (مشرخ)، ساکشی مہاراج (اناؤ)، کوشل کشور (موہن لال گنج)، راجناتھ سنگھ (لکھنؤ)، اسمرتی ایرانی (امیٹھی)، سنگم لال گپتا (پرتاپ گڑھ)، مکیش راجپوت (فرخ آباد)، ڈاکٹر رام شنکر کٹھیریا (ایٹاوا)، سبرت پاٹھک (قنوج)، دیویندر سنگھ بھولے (اکبرپور)، بھانو پرتاپ سنگھ ورما (جالون)، انوراگ شرما (جھانسی)، کنور پشپیندر سنگھ چندیل (حمیر پور)، آر کے سنگھ پٹیل (باندا)، سادھوی نرنجن جیوتی (فتح پور)، (اوپندر سنگھ راوت (بارابنکی)، للو سنگھ (فیض آباد)، رتیش پانڈے (امبیڈکر نگر)، ساکیت مشرا (شراوستی)، کیرتی وردھن سنگھ عرف راجہ بھیا (گونڈا)، جگدمبیکا پال (ڈمریا گنج)، ہریش دویدی (بستی)، پروین کمار نشاد (سنت کبیر نگر)، پنکج چودھری (مہاراج گنج)، روی کشن (گورکھپور)، وجئے کمار دوبے (کشی نگر)، کملیش پاسوان (بانس گاؤں)، نیلم سونکر (لال گنج)، دنیش لال یادو نرہوا (اعظم گڑھ)، رویندر کشواہا (سلیم پور)، کرپاشنکر سنگھ (جونپور)، ڈاکٹر مہندر ناتھ پانڈے (چندولی)۔(بشکریہ قومی آواز)