اڈانی گروپ نے خبررساں ایجنسی آئی اے این ایس انڈیا کوبھی خرید لیا

نئی دہلی: مشہور صنعت کار گوتم اڈانی نے نیوز ایجنسی آئی اے این ایس (آئی اے این ایس انڈیا) کو خرید لیا ہے۔ اس ڈیل کے بعد میڈیا پر اڈانی گروپ کی گرفت مزیدمضبوط ہو گئی ہے۔ اس سے پہلے پچھلے سال مارچ میں، انہوں نے کوئنٹلین بزنس میڈیا خریدا تھا، جوبی کیو پرائم کے نام سے ایک ڈیجیٹل میڈیا پلیٹ فارم چلاتا ہے۔اس کے بعد، دسمبر میں، اڈانی گروپ نے این ڈی ٹی وی میڈیا میں 65 فیصد حصہ خریدا۔ مالی سال 2022-23 میں آئی اے این ایس کی آمدنی 11.86 کروڑ روپے تھی۔ اڈانی گروپ نے میڈیا کے کاروبار میں اپنی رسائی کو گہرا کیاہے، نیوز ایجنسی آئی اے این ایس بھی اے ایم ایل این کا ذیلی ادارہ بن گیا۔این ڈی ٹی وی کی طرح، آئی اے این ایس کا بھی صدر دفتر دہلی میں ہے۔ اڈانی انٹرپرائزز گروپ کی میڈیا ہولڈنگ کمپنی نے کہا کہ اس کی ذیلی کمپنی اے ایم جی میڈیا نیٹ ورکس لمیٹڈ نے آئی اے این ایس انڈیا پرائیویٹ لمیٹڈ کے ایکویٹی حصص میں 50.50 فیصد حصص حاصل کیا ہے۔ کمپنی نے حصول کی قیمت کا انکشاف نہیں کیا ہے۔