بنگلہ دیش پر کل جماعتی میٹنگ،سرکار نے صورتحال سے واقف کرایا ،سب پارٹیاں ایک آواز

بنگلہ دیش کی صورتحال کے حوالے سے مرکزی حکومت کی طرف سے بلائی گئی کل جماعتی میٹنگ پارلیمنٹ ہاؤس کے احاطے میں منعقد ہوئی۔ اس آل پارٹی میٹنگ میں حکومت کی طرف سے مرکزی وزیر داخلہ امت شاہ، وزیر دفاع راج ناتھ سنگھ، وزیر خارجہ ایس جے شنکر، پارلیمانی امور کے وزیر کرن رجیجو اور جے پی نڈا موجود تھے۔ دیگر سیاسی جماعتوں کے بارے میں بات کرتے ہوئے، لوک سبھا اور راجیہ سبھا میں مختلف سیاسی جماعتوں کے فلور لیڈرز بشمول لوک سبھا میں اپوزیشن لیڈر راہل گاندھی، ڈی ایم کے سے ٹی آر بالو، ایس پی سے رام گوپال یادو، ٹی ایم سی سے سدیپ بندوپادھیائے، بی جے ڈی سے سمیت پاترانےاجلاس میں شرکت کی. ملاقات میں وزیر خارجہ نے بنگلہ دیش کی موجودہ صورتحال پر معلومات دیں۔
اپوزیشن نے ایک آواز ہوکر کہا کہ وہ اس معاملہ پر سرکار کے ساتھ ہے اس سے قبل پی ایم اور راہل کے درمیان ملاقات کی بھی خبر آئی تھیاس سے ظاہر ہوتا ہے کہ بھارت بھی بنگلہ دیش کے بحران کو بہت سنجیدگی سے لے رہا ہے۔
دوسری طرف شیخ حسینہ کے لندن میں پناہ لینے کے بارے میں ابھی کوئی فیصلہ نہیں ہوا۔ ذرائع سے موصول ہونے والی خبروں کے مطابق اس لیے وہ سیاسی پناہ ملنے تک بھارت میں ہی رہیں گی۔
شیخ حسینہ شام تقریباً 5.30 بجے غازی آباد کے ہندن ایئربیس پہنچیں۔ اس دوران امیگریشن ٹیم بھی ہندن ایئربیس پر موجود تھی۔ ڈھاکہ ٹریبیون کی رپورٹ کے مطابق بنگلہ دیش میں صدر محمد شہاب الدین نے سابق وزیراعظم اور ممتاز اپوزیشن لیڈر خالدہ ضیا کو جیل سے رہا کرنے کا حکم دیا ہے۔ صدر نے خالدہ ضیاء کی فوری رہائی کا مطالبہ کیا ہے۔ بنگلہ دیش کے صدر محمد شہاب الدین کی جانب سے ایک بیان میں کہا گیا ہے کہ ’’بنگلہ دیش نیشنلسٹ پارٹی (بی این پی) کی چیئرپرسن بیگم خالدہ ضیا کو فوری طور پر رہا کرنے کا متفقہ طور پر فیصلہ کیا گیا ہے۔