لکھنؤ :(ایجنسی)
یوپی الیکشن : 3 بجے تک 46.28 فیصد ووٹنگ
اتر پردیش میں پانچویں مرحلے میں امیٹھی، رائے بریلی، سلطان پور، چترکوٹ، پرتاپ گڑھ، کوشامبی، پریاگ راج، بارہ بنکی، ایودھیا، بہرائچ، شراوستی اور گونڈا میں پولنگ جاری ہے۔3 بجے تک 46.28فیصد ووٹنگ ہوچکی ہے ۔ وہیں کنڈا میں ایس پی امیدوار گلشن یادو پر حملہ ہوا ہے۔ ان کی گاڑیوں میں توڑ پھوڑ کی گئی ہے۔ پتھراؤ اور فائرنگ بھی ہوئی ہے۔ اس کے علاوہ ایس پی نے الزام لگایا ہے کہ گونڈہ میں ایس ڈی ایم تراب گنج میں گھر میں گھس کر بی جے پی کو ووٹ دینے کے لیے دباؤ ڈال رہے ہیں۔
ایس پی نے الزام لگایا ہے کہ کوشامبی کے چائل اسمبلی حلقہ 253 کے بوتھ نمبر 268 پر پریزائیڈنگ افسر ووٹروں کو بی جے پی کا ایجنٹ بن کر بی جے پی کے حق میں ووٹروں کو ووٹ کرنے کے لیے کہہ رہے ہیں ۔ سماج وادی پارٹی الیکشن کمیشن سے نوٹس لینے کی اپیل کی ہے ۔
ایس پی امیدوار پر حملے کی الیکشن کمیشن سے شکایت
پرتاپ گڑھ کے کنڈا میں ایس پی امیدوار پر حملے کی شکایت کرنے ایس پی کے ریاستی صدر نریش اتم پٹیل اور راجندر چودھری الیکشن کمیشن پہنچے۔ اس معاملے میں الیکشن کمیشن کو تحریری شکایت کی گئی ہے۔ اس حملے کا الزام جن ستہ دل کے حامیوں پر لگایا گیا ہے۔ایس پی امیدوار کی گاڑی میں توڑ پھوڑ کاالزام لگایا ہے ۔ کنڈہ اسمبلی کے پہاڑ پور میں یہ واقعہ پیش آیاہے ۔
بی جے پی کارکنوں پر ووٹروں کو دھمکیاں دینے کا الزام
سماج وادی پارٹی نے ایک ٹویٹ کرتے ہوئےلکھاکہ پرتاپ گڑھ کی پٹی اسمبلی حلقہ 249 کے بوتھ نمبر 396 اور 387پر بی جے پی والے ووٹروں کو ووٹ نہیں ڈالنے دے رہے ہیں ۔ بارہ بنکی ضلع کی دریا آباد اسمبلی حلقہ 370 کے قصبہ اچولی میں بی جے پی حمایت یافتہ گرام پردھان گاؤں میں گھس کر خواتین ووٹروں کو دھمکی دے رہے ہیں اوربی جے پی کے حق میں ووٹ ڈالنے کے لیے دباؤ بنا رہے ہیں الیکشن کمیشن نوٹس لے۔
ملازمین سے مار پیٹ کا الزام
امیٹھی ودھان سبھا-186 بوتھ نمبر 211,212، 213 دھوراہ میں ملازمین کے ساتھ مار پیٹ کی جارہی ہے ۔ ووٹروں کو دھمکی دی جارہی ہے ۔ ایس پی نے ٹویٹ کرتے ہوئے الیکشن کمیشن سے نوٹس لینے کی اپیل کی ہے ۔
سماج وادی پارٹی نے ٹویٹ کرکے شکایت کی ہے کہ پریاگ راج ضلع کے الٰہ آباد ویسٹ ودھان سبھا-261 پر بی جے پی امیدوار سدھارتھ ناتھ سنگھ کھلے عام ایس پی کارکنوں کو دھمکیاں دے رہے ہیں، ایس پی امیدوار کا بستہ چھینا جا رہا ہے، الیکشن کمیشن اور ضلع انتظامیہ کے ساتھ فوری طور پر معاملہ درج کیا جائے۔
ای وی ایم کی خرابی کی وجہ سے ووٹنگ متاثر
سلطان پور کے کادی پور ودھان سبھا 191 کےبوتھ نمبر 01 پر تقریباً ایک گھنٹہ تک ای وی ایم خراب رہی ۔ بارہ بنکی کی دریا آباد اسمبلی حلقہ 270کے بوتھ نمبر 259 پر ای وی ایم مشین خراب ہونے سےووٹنگ میں رکاوٹ پیداہوئی۔ ایس پی نے شکایت کرتے ہوئے الیکشن کمیشن سے نوٹس لینے کی اپیل کی ہے ۔
