آسام: پولیس نے 2.5 کروڑ مانگے، ‘انکاؤنٹر’ کی دھمکی دی،مسلم تاجر کی شکایت پر؛ آئی پی ایس افسر، سمیت کئی پولیس اہلکار گرفتار

امپھال آسام کے بجالی ضلع میں کئی سینئر پولیس افسران سمیت نو افراد کو ریاستی جرائم کے تفتیشی محکمے (سی آئی ڈی) نے ایک مقامی تاجر کے اس الزام کے بعد گرفتار کیا کہ پولیس اس سے جبری وصولی کر رہی ہے۔
انڈین ایکسپریس کے مطابق تاجر ربیع الاسلام نے یہ بھی الزام لگایا کہ اسے پولیس نے غلط طریقے سے حراست میں لیا اور 2.5 کروڑ روپے ادا کرنے کو کہا، ایسا نہ کرنے کی صورت دھمکی دی کہ مجھے انکاؤنٹر میں مار دیا جائے گا اور اس کے قتل کا جواز "پاکستانی اور بنگلہ دیشی جہادی عناصر سے روابط” کو بنایا جائے گا -اپنی شکایت میں، اسلام نے کہا کہ دھمکیاں ایک ایسے شخص کی طرف سے دی گئی تھیں جس نے دعویٰ کیا تھا کہ وہ "انکاؤنٹر اسپیشلسٹ” ہے-
انڈین ایکسپریس کی رپورٹ کے مطابق پیر کے روز، آسام پولیس نے 2014 بیچ کے آئی پی ایس افسر سدھارتھ برگوہن کو گرفتار کیا، جو دو دن قبل آسام پولیس ہیڈ کوارٹر منتقل ہونے سے قبل بجالی سپرنٹنڈنٹ آف پولیس رہ چکے ہیں۔ ڈپٹی سپرنٹنڈنٹ آف پولیس (HQ) پشکل گوگوئی، ایڈیشنل سپرنٹنڈنٹ آف پولیس گایتری سونووال، ان کے شوہر سبھاس چندر، سب انسپکٹر دیباجیت گری، اور کانسٹیبل انجم الحسن کو بھی گرفتار کیا گیا۔ گرفتار کیے گئے تین دیگر افراد میں ایک کشور بروہ اور پولیس ڈرائیور نبیر احمد اور ڈپجوئے کلیتا شامل ہیں۔
آسام کے ڈی جی پی جی پی سنگھ نے جمعہ کو کہا کہ بجالی پولیس افسران کی جانب سے رقم مانگے جانے کی شکایت موصول ہونے کے بعد ڈائریکٹوریٹ آف ویجیلنس اینڈ اینٹی کرپشن کو جال بچھانے کی ہدایت دی گئی تھی لیکن وہ کامیاب نہیں ہوسکے کیونکہ پولیس افسران (ملزمان) ہوشیار تھے۔ ". تاہم، انہوں نے کہا کہ ایف آئی آر اس لیے درج کی گئی تھی کیونکہ شکایت "پہلی نظر میں سچ” پائی گئی تھی۔