درخواست ضمانت خارج ،سسودیا مایوس

نئی دہلی. دہلی ہائی کورٹ نے پیر کو عام آدمی پارٹی (اے اے پی) کے رہنما منیش سسودیا کی ضمانت کی درخواست خارج کر دی، جو مبینہ طور پر ایکسائز پالیسی گھوٹالے سے متعلق منی لانڈرنگ میں گرفتار ہیں۔ دہلی حکومت نے 17 نومبر 2021 کو اس پالیسی کو نافذ کیا لیکن بدعنوانی کے الزامات کے درمیان انہیں ستمبر 2022 کے آخر میں واپس لے لیا گیا۔
منیش سسودیا کے علاوہ جسٹس دنیش کمار شرما نے حیدرآباد کے صنعت کار ابھیشیک بوئیناپلی، شراب کمپنی کے مینیجر میسرز پرنوڈ رچرڈ بینوئے بابو اور عام آدمی پارٹی کے سابق کمیونیکیشن انچارج وجے نائر کی درخواستوں کو بھی خارج کردیا۔ یہ سبھی انفورسمنٹ ڈائریکٹوریٹ (ای ڈی) کے ذریعہ درج منی لانڈرنگ کیس میں شریک ملزم ہیں۔ منیش سسودیا کو پہلے 26 فروری کو سی بی آئی (سینٹرل بیورو آف انویسٹی گیشن) نے اس گھوٹالے میں ان کے مبینہ کردار کے لئے گرفتار کیا تھا اور تب سے وہ حراست میں ہیں۔