بھاگوت نے کہا:ہندوؤں کو منظم کرنا مسلمانوں ۔عیسائیوں سے دشمنی نہیں

ممبئی: آر ایس ایس کے سربراہ موہن بھاگوت نے اپنے ایک بیان میں کہا ہے کہ سنگھ کے لیڈروں نے ہمیشہ تشدد کی مخالفت کی ہے۔ بھاگوت نے یہ بات آر ایس ایس کے آنجہانی لیڈر لکشمن راؤ انعامدار کی سوانح عمری کے مراٹھی ترجمہ کے اجرا کے موقع پر کہی۔ یہ سوانح عمری کئی دہائیوں پہلے راجا بھائی نینے اور (اس وقت سنگھ کے کارکن) نریندر مودی نے گجراتی میں لکھی تھی۔
انہوں نے کہا، "آر ایس ایس کا بنیادی خیال مثبت ہے اور ہم یہاں کسی کی مخالفت کرنے کے لیے نہیں ہیں۔ کہا جاتا ہے کہ مہاراشٹر کے ستارا کے رہنے والے انعامدار کا وزیر اعظم مودی کی زندگی پر بڑا اثر تھا۔
آر ایس ایس سربراہ نے یہ بھی کہا کہ ہندوؤں کو منظم کرنا مسلمانوں اور عیسائیوں سے دشمنی نہیں ہے! بھاگوت نے کہا ’’کبھی کبھی کسی عمل پر ردعمل ہوتا ہے۔ کبھی کبھی جیسا کو تیسا ردعمل ہوتا ہے لیکن صحیح معنوں میں امن اور رواداری ہندوتوا کی اقدار ہیں۔