بھائی ایک ہزار فیصد فٹ ہیں ،داؤد کو زہر دینے کی افواہوں پر چھوٹا شکیل کا دعوی

بھائی کی موت کی خبر افواہ ہے اس کی کوئی بنیاد نہیں۔ وہ 1000 فیصد فٹ ہیں… بھارت کے انتہائی مطلوب داؤد ابراہیم کے قریبی چھوٹا شکیل نے یہ دعویٰ کیا ہے۔ نہ صرف ہندوستان بلکہ پاکستان کے سوشل میڈیا پر بھی یہ خبریں آئیں کہ داؤد کو کسی نے زہر دے دیا ہے۔ کئی پاکستانی صحافیوں نے ٹویٹ کرنا شروع کر دیے تھے جس سے ان قیاس آرائیوں کو تقویت ملی۔ اب شکیل نے TOI کو بتایا ہے کہ یہ خبر افواہ ہے۔ مفرور انڈر ورلڈ ڈان اب آئی ایس آئی کا اثاثہ بن چکا ہے۔ ایسے میں چھوٹا شکیل نے کہا کہ ایسی افواہیں وقتاً فوقتاً فساد برپا کرنے کی نیت سے پھیلائی جاتی ہیں۔ اتوار کی رات جب پاکستان میں انٹرنیٹ بند ہونا شروع ہوا تو ان افواہوں کو سچ سمجھا جانے لگا۔ اس وقت شکیل ڈی کمپنی کے عالمی آپریشنز کی دیکھ بھال کرتاہے۔ شکیل نے دعویٰ کیا کہ جب وہ پاکستان میں ان سے ملے تھے تو ‘بھائی’ بالکل فٹ تھے۔
واضح ہو یہ چوتھی مرتبہ ہے جب داؤد کی موت کی افواہ پھیلی تھی ۔آج تک ڈان کی کوئی نئی فوٹو تک سامنے نہیں آئی ہے