مئو:(ایجنسی)
اتر پردیش میں انتخابات کے مزید دو مرحلے باقی ہیں جن میں سے چھٹے مرحلے کی انتخابی مہم کل ختم ہوگئی۔ ساتویں اور آخری مرحلے کے لیے تمام سیاسی جماعتوں نے بھرپور طریقے سے انتخابی مہم شروع کر دی ہیں۔ اسی ضمن میں آج کانگریس جنرل سکریٹری پرینکا گاندھی واڈرا عوامی جلسوں سے خطاب کرنے مؤ پہنچیں۔
مدھوبن ودھان سبھا کے اندرا گاندھی پی جی کالج کے میدان میں پرینکا نے کہا کہ ریاست کا سب سے بڑا مسئلہ روزگار ہے۔ مہنگائی مسلسل بڑھ رہی ہے۔ مزدوروں کو کم اجرت ملنا شروع ہو گئی ہے۔ کسان کو فصل کی قیمت نہیں ملتی، اوپر سے بجلی کا بل بھی بڑھ گیا ہے۔ عوام کو بے شمار مسائل کا سامنا ہے لیکن حکومت ان کے حل کے لیے کچھ نہیں کر تی۔
انہوں نے کسی کا نام لیے بغیر کہا کہ جو لوگ پاکستان، چین اور مجرموں پر بلڈوزر چلانے کی بات کرتے ہیں وہ مسائل کی بات نہیں کرتے۔ کانگریس لیڈر نے کہا کہ سی ایم یوگی منچ سے 70 لاکھ نوکریوں کا جھوٹا یقین دلاتے ہیں اور صرف ذات اور مذہب پر لڑاتے ہیں۔
حکومت طلبہ کے جذبات سے کھیل رہی ہے
پرینکا نے کہا کہ ریاست میں 12 لاکھ ملازمت کے عہدے خالی ہیں۔ بی جے پی والے طلبہ کے جذبات سے کھیل رہے ہیں۔ بی جے پی، ایس پی اور بی ایس پی نوجوانوں اور خواتین کو گڑھوں میں دھکیل رہے ہیں۔ حکومت میں لوگوں کو غریب وان پڑھ رکھنا جاری ہے ۔
چھتیس گڑھ میں کانگریس حکومت کی کامیابیوں کو گنا یا۔ انہوں نے کہا کہ چھتیس گڑھ میں جانوروں کو روزگار کے مواقع کے طور پر استعمال کیا جا رہا ہے۔2 روپے فی کلو گائے کا گوبر خرید رہے ہیں۔ انہوں نے کہا کہ اس الیکشن میں آپ نے فیصلہ کرنا ہے کہ آپ کیا چاہتے ہیں۔ ریاست کی سمت اور حالت کا فیصلہ آپ سب کو کرنا ہے۔ بلا تفریق ذات پات اور مذہب کے لیے ووٹ دیں۔ پرینکا گاندھی نے کانگریس کی حکومت بنانے کی اپیل کی ۔
