نئی دہلی: دہلی کی ایک عدالت نے یہاں 2020 کے فسادات کے پیچھے مبینہ سازش سے متعلق یو اے پی اے کیس میں جامعہ ملیہ اسلامیہ کے طلبا لیڈر میران حیدر کو انسانی بنیادوں پر 10 دن کی عبوری ضمانت دے دی ہے۔
تاہم عدالت نے یہ شرائط عائد کی ہیں کہ حیدر سوشل میڈیا پلیٹ فارم سمیت میڈیا سے بات نہیں کریں گے نہ ہی انٹرویو دیں گے اور نہ ہی ان کو عام لوگوں سے ملنے کی اجازت ہوگی –
ایڈیشنل سیشن جج سمیر باجپائی چار ہفتوں کے لیے حیدر کی عبوری ضمانت کی درخواست کی سماعت کر رہے تھے۔عدالت نے انسانی ہمدردی کی بنیاد پر اس درخواست کو نوٹ کیا، اور کہا کہ حیدر کی بہن کے ساتھ رہنے کے لیے کوئی مرد رکن نہیں تھا، جس کا قبل از وقت بچہ فوت ہوگیا تھا۔
اس نے اس عرضی کو نوٹ کیا کہ حیدر یکم اپریل 2020 سے بغیر عبوری ضمانت کے زیر حراست ہیں ۔ہفتہ کو جاری کردہ اپنے حکم میں عدالت نے کہا کہ استغاثہ کے جواب کے مطابق حیدر کے بیان کردہ حقائق کی تصدیق کی گئی ہے۔
درخواست کی اجازت دیتے ہوئے، عدالت نے کہا، "درخواست گزار کو 10 دنوں کے لیے عبوری ضمانت دی جاتی ہے جس کے تحت اتنی ہی رقم میں ایک ضمانت کے ساتھ 20,000 روپے کا ذاتی بانڈ پیش کیا جائے۔”
عبوری ریلیف کی دیگر شرائط میں کسی گواہ سے رابطہ نہ کرنا، شواہد کے ساتھ چھیڑ چھاڑ نہ کرنا اور تفتیشی افسر کو اس کا موبائل فون نمبر فراہم کرنا شامل تھا۔
دہلی فساد2020:میران حیدر کو پہلی بار انسانی ہمدردی کی بنیاد پر دس دنوں کی مشروط عبوری ضمانت
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔
