ہلاکت خیز گرمی سے سانس لینے میں دشواری ،دم گھونٹو کیفیت ،متعدد اموات

نئی دہلی: ملک کی کئی ریاستوں میں گزشتہ کئی دنوں سے شدید گرمی اور گرمی کی لہر نے تباہی مچا رکھی ہے۔ بڑھتے ہوئے درجہ حرارت نے سانس لینے میں دشواری پیدا کردی ہے۔ بہار میں شدید گرمی اور شدید گرمی کی لہر تباہی بن گئی ہے۔ یہاں 10 پولنگ کارکنوں سمیت 14 افراد شدید گرمی کی وجہ سے جاں بحق ہو گئے۔ اسی وقت، اڈیشہ کے سندر گڑھ میں ہیٹ اسٹروک سے 12 لوگوں کی موت ہوئی، جب کہ جھارکھنڈ میں چار لوگوں کی موت ہوئی۔ دوسری طرف، پوروانچل میں 9 ہوم گارڈ کے جوان اور پانچ پولنگ کارکن جو انتخابی ڈیوٹی پر تھے، گرمی کی لہر کی وجہ سے موت کے منھ میں چلے گئے۔ جھارکھنڈ میں جمعہ کو شدید گرمی کی لہر سے چار افراد کی موت ہو گئی، جب کہ 1,326 لوگوں کو بیمار پڑنے کے بعد ہسپتال میں داخل کرایا گیا ہے۔ عہدیداروں نے بتایا کہ تمام ضلعی اسپتالوں اور دیگر طبی اداروں سے گرمی کی لہر کے متاثرین کے لیے ایئر کنڈیشنڈ کمروں اور بستروں کا انتظام کرنے کو کہا گیا ہے۔ جھارکھنڈ کے زیادہ تر 24 اضلاع میں درجہ حرارت 40 ڈگری سیلسیس سے اوپر رہا۔ وہیں ڈالتون گنج اور گڑھوا جیسے مقامات پر درجہ حرارت 47 ڈگری سیلسیس سے زیادہ رہا۔ شدید گرمی کی وجہ سے جانوروں بالخصوص چمگادڑوں کے مرنے کی بھی اطلاعات ہیں۔ ناگپور میں دو آٹومیٹک ویدر اسٹیشنز (AWS) نے غیر معمولی طور پر زیادہ درجہ حرارت کی اطلاع دی ہے، جو کہ 50 ڈگری سیلسیس سے زیادہ ہے۔ یہ اسٹیشنز IMD نیٹ ورک کا حصہ ہیں۔ یہ ڈیٹا منگیش پور گاؤں کے جواہر نوودیا ودیالیہ میں واقع ایک خودکار موسمی اسٹیشن پر ریکارڈ کیا گیا تھا۔ بہار میں گزشتہ 24 گھنٹوں میں گرمی کی لہر سے 10 پولنگ کارکنوں سمیت 14 لوگوں کی موت ہو گئی۔ ڈیزاسٹر مینجمنٹ ڈپارٹمنٹ کی طرف سے جاری کردہ ایک بیان میں کہا گیا ہے کہ زیادہ تر اموات بھوجپور میں ہوئی ہیں، جہاں الیکشن ڈیوٹی پر مامور پانچ اہلکار ہیٹ اسٹروک کی وجہ سے ہلاک ہوئے۔ ریاست شدید گرمی کی لپیٹ میں ہے کیونکہ کئی مقامات پر پارہ 44 ڈگری سیلسیس کو پار کر چکا ہے۔ چلچلاتی گرمی کی وجہ سے تمام اسکول، کوچنگ انسٹی ٹیوٹ اور آنگن واڑی مراکز 8 جون تک بند کردیئے گئے ہیں۔