عدلیہ کو کمزور کرنے کی کوشش  اسے تحفظ کی ضرورت: سبکدوشی ججوں کاچیف جسٹس آف انڈیا کو خط

نئی دہلی: سپریم کورٹ اور ہائی کورٹس کے 21 ریٹائرڈ ججوں کے ایک گروپ نے چیف جسٹس آف انڈیا کو خط لکھا ہے پی ٹی آئی کے مطابق انہوں نے کہا ہے کہ”کچھ گروہوں کی طرف سے حسابی دباؤ، غلط معلومات اور عوامی بے عزتی کے ذریعے عدلیہ کو کمزور کرنے کی بڑھتی ہوئی کوششوں” پر۔یہ ناقدین تنگ سیاسی مفادات اور ذاتی فائدے سے متاثر ہیں اور عدالتی نظام پر عوام کے اعتماد کو ختم کرنے کی کوشش کر رہے ہیں،۔۔
قابل ذکر بات یہ ہے کہ سبکدوش ججوں نے اپنے خط میں یہ نہیں بتایا کہ انھوں نے کن واقعات کو لے کر چیف جسٹس آف انڈیا کو یہ خط لکھا ہے۔ خط لکھنے والوں میں سپریم کورٹ کے 4 سبکدوش جج بھی شامل ہیں۔ یہ خط بدعنوانی کے معاملوں میں کچھ اپوزیشن لیڈران کے خلاف کارروائی کو لے کر برسراقتدار بی جے پی اور اپوزیشن پارٹی میں زبانی جنگ کے درمیان لکھا گیا ہے۔
جسٹس (سبکدوش) دیپک ورما، کرشن مراری، دنیش مہیشوری اور ایم آر شاہ سمیت سبکدوش ججوں نے ناقدین پر عدالتوں اور ججوں کی ایمانداری پر سوال اٹھا کر عدالتی نظام کو متاثر کرنے کی واضح کوششوں کے ساتھ دھوکہ دہی والا طریقہ اختیار کرنے کا الزام لگایا ہے۔ انھوں نے ’عدلیہ کو غیر ضروری دباؤ سے بچانے کی ضرورت‘ عنوان سے لکھے گئے اس خط میں کہا ہے کہ ’’اس طرح کی کارروائیاں نہ صرف ہماری عدلیہ کی پاکیزگی کو نقصان پہنچاتی ہے بلکہ انصاف اور غیر جانبداری کے اصولوں کے لیے سیدھا چیلنج بھی پیش کرتی ہے، جنھیں قانون کے محافظ کی شکل میں ججوں نے بنائے رکھنے کا حلف لیا ہے۔‘‘ انھوں نے سپریم کورٹ کی قیادت والی عدلیہ سے ایسے دباؤ کے خلاف مضبوط ہونے اور یہ یقینی کرنے کی گزارش کی کہ قانونی نظام کی پاکیزگی اور خود مختاری محفوظ رہے۔