لکھنؤ :(ایجنسی)
اتر پردیش اسمبلی انتخابات-2022 کے ساتویں اور آخری مرحلے کی پولنگ مکمل ہوتے ہی پیر کی شام کو ایگزٹ پول بھی سامنے آئے۔ اس میں جہاں بی جے پی کی مکمل اکثریت والی حکومت بنتی نظر آرہی ہے، وہیں کئی سینئر کی ساکھ داؤ پر لگی ہوئی ہے۔ ایگزٹ پولز نے ایس پی کو جیت دلانے کا دعویٰ کرنے والے سوامی پرساد موریہ کی بھی ٹینشن بڑھا دی ہے ۔ ٹائمس ناؤ – ویٹوکے ایگزٹ پول میں سوامی پرساد کو الیکشن ہارتے ہوئے دکھایا گیا ہے۔
سروے میں سوامی پرساد موریہ کو 31 فیصد سے 35 فیصد ووٹ مل رہے ہیں، جبکہ ان کے حریف سریندر کمار کشواہا کو 38 فیصدسے 41 فیصد ووٹ مل رہے ہیں۔ اگر یہ ایگزٹ پول کے نتائج درست ثابت ہوتے ہیں تو اسے سوامی پرساد موریہ کے ساتھ ساتھ اکھلیش یادو کے لیے بھی بڑا جھٹکا سمجھا جائے گا۔ سوامی پرساد موریہ کا دعویٰ اس الیکشن میں پسماندہ طبقے کے ووٹوں کو سماج وادی پارٹی کی طرف لانے اور ایک بار پھر اکھلیش یادو کو وزیر اعلیٰ کی کرسی پر بیٹھانے کا تھا، ایسے میں اگر وہ خود الیکشن ہار جاتے ہیں تو اسے ایس پی کے لیے بڑا جھٹکا کہا جائے گا۔
الیکشن سے پہلے بی جے پی کا ساتھ چھوڑ دیا تھا
الیکشن سے پہلے بی جے پی چھوڑ کر سماج وادی پارٹی میں شامل ہونے والے سوامی پرساد موریہ کے پہلے پڑرونا سیٹ سے الیکشن لڑنے کی بات تھی، لیکن آر پی این سنگھ کے کانگریس چھوڑ کر بی جے پی میں شامل ہونے کے بعد انہوں نے فاضل نگر سے الیکشن لڑنے کا فیصلہ کیا۔ یہاں سوامی کا بی جے پی کے سریندر کشواہا سے سخت مقابلہ تھا۔ انتخابی مہم ختم ہونے سے ایک دن پہلے بھی سوامی اور کشواہا کے حامیوں کے درمیان لڑائی ہوئی تھی۔ پولیس نے اس معاملے میں سوامی کی بیٹی سنگھ مترا موریہ (بدایوں سے بی جے پی ایم پی) کے خلاف بھی مقدمہ درج کیا ہے۔ دوسری طرف سوامی پرساد کے بیٹے اشوک موریہ کو بھی ووٹروں کو متاثر کرنے کی نیت سے علاقے میں رقم تقسیم کرنے کے الزام میں حراست میں لیا گیا۔ اشوک کو ضلع کی حدود سے باہر پولنگ ہونے تک ضلع میں داخل نہ ہونے کی ہدایت دی گئی۔ بعد ازاں انتظامیہ نے ان کے خلاف ضابطہ اخلاق کی خلاف ورزی کا مقدمہ بھی درج کیا تھا۔
لگاتار دو بار سے جیت رہی ہے بی جے پی
فاضل نگر سیٹ پر بی جے پی، ایس پی اور بی ایس پی کے درمیان ٹکرہوتی آئی ہے۔ بی جے پی کے گنگا سنگھ کشواہا گزشتہ دو انتخابات سے اس سیٹ پر جیت رہے ہیں۔ فاضل نگر سیٹ یوپی کی 403 اسمبلی سیٹوں میں سے 332 نمبر پر ہے۔ یہ سیٹ دیوریا لوک سبھا حلقہ میں آتی ہے۔ دیوریا لوک سبھا حلقہ میں کل پانچ اسمبلی حلقے ہیں۔ فاضل نگر ان میں سے ایک ہے۔
2017 کے انتخابات میں فاضل نگر سیٹ پر جیت کا مارجن بڑھ گیا تھا۔ اس کے بعد بی جے پی کے گنگا سنگھ کشواہا نے ایس پی کے وشوناتھ کو 41,922 ووٹوں کے بڑے فرق سے شکست دی تھی۔ اس سے پہلے 2012 کے اسمبلی انتخابات میں گنگا سنگھ کو بی ایس پی کے کلام الدین سے سخت مقابلہ ہوا تھا۔ اس وقت جیت کا مارجن 5500 ووٹوں سے کم تھا۔ وشوناتھ 2007 میں ایس پی کے ٹکٹ پر فاضل نگر سیٹ سے ایم ایل اے بنے تھے۔
کیا ہے فارمولیشن
بتایا جاتا ہے کہ فاضل نگر سیٹ پر چانو اور کشواہا برادری کے ووٹ اہم کردار میں رہتے ہیں ۔ وشوناتھ اس سیٹ سے چھ بار ایم ایل اے رہے ہیں ۔ ویسے ماضی میں اس سیٹ سے تقریباً اہم سیاسی پارٹیوں کے امیدواروں کو موقع مل چکاہے ۔
فاضل نگر میں اہم جماعتوں کے امیدوار
بی جے پی+: سریندر کشواہا
ایس پی +: سوامی پرساد موریہ
بی ایس پی : الیاس انصاری
کانگریس: منوج سنگھ
فاضل نگر اسمبلی: ایک نظر میں
نشست کا نام – 332 – فاضل نگر
کل ووٹرز- 3,99,629
ضلع کشی نگر
موجودہ ایم ایل اے- گنگا سنگھ کشواہا
پارٹی – بھارتیہ جنتا پارٹی
