ٹھاکرے حکومت کو غیرمستحکم کرنے میں ناکام بی جے پی ایجنسیوں سے کرارہی ہے ریکارڈنگ :پوار

ممبئی :(ایجنسی)

شرد پوار نے مہاراشٹرا میں اپوزیشن لیڈر دیویندر فڈنویس کے ذریعہ جاری کی گئی ریکارڈنگ کو لے کر بی جے پی پر حملہ بولا ہے۔ انہوں نے کہا ہے کہ مہاراشٹر کی مہا وکاس اگھاڑی حکومت کو گرانے میں ناکام رہنے والی بی جے پی اب مایوسی میں ریکارڈنگ جیسی حرکتیں کر رہی ہے۔ انہوں نے ریاستی حکومت کے دفتر میں 125 گھنٹے کی ریکارڈنگ پر حیرت کا اظہار کیا۔ سابق وزیر انل دیشمکھ کے معاملے کے بارے میں پوار نے کہا کہ کیا کسی ایک شخص کے معاملے میں 90 چھاپے مارے جا سکتے ہیں۔

این سی پی کے سربراہ پوار نے کہا کہ یہ سارے کارنامے مرکزی ایجنسیوں کا استعمال کرتے ہوئے ادھو ٹھاکرے حکومت کو گرانے کے لیے کیے جا رہے ہیں۔ اس حوالے سے شرد پوار نے ٹوئٹر پر ایک تھریڈ میں کئی ٹویٹس کیے ہیں۔

महाराष्ट्राची सत्ता हातातून गेल्यानंतर विविध केंद्रीय यंत्रणांची मदत घेऊन सरकार अस्थिर करण्याच्या भाजपच्या प्रयत्नांना यश मिळत नाही आहे. त्यामुळे अशा प्रकारची टोकाची भूमिका त्यांनी घेतली असावी.

— Sharad Pawar (@PawarSpeaks) March 9, 2022

ان کا یہ ٹویٹ اس وقت آیا جب فڈنویس نے منگل کو مہاراشٹر اسمبلی کے ڈپٹی اسپیکر نرہاری جروال کے سامنے ویڈیو ریکارڈنگ پیش کی تھی۔ اس نے دعویٰ کیا گیا تھا کہ اس ٹیپ میں اس بات کا ثبوت موجود ہے کہ مہاراشٹر وکاس اگھاڑی حکومت کے لیڈر ریاست میں بی جے پی لیڈروں کو جھوٹے مقدمات میں پھنسانے کی کوشش کر رہے ہیں۔

جواب میں، پوار نے دعویٰ کیا کہ بی جے پی جھوٹے الزامات لگا رہی ہے کیونکہ وہ ایم وی اے حکومت کو غیر مستحکم کرنے میں کامیاب نہیں ہو رہی ہے۔

این سی پی کے سربراہ شرد پوار نے بدھ کو کہا کہ مہاراشٹر اسمبلی میں اپوزیشن لیڈر دیویندر فڈنویس کی طرف سے منگل کو جاری کی گئی ویڈیو ریکارڈنگ اس طرح سے ظاہر کرتی ہے کہ مرکزی ایجنسیاں ریکارڈنگ کو انجام دینے میں ملوث تھیں۔

انہوں نے ایک ٹویٹ میں کہا، ‘میں نے سنا ہے کہ ریکارڈنگ 125 گھنٹے کی ہے۔ اگر یہ سچ ہے تو اس کارنامے کو انجام دینے کے لیے آپ کو طاقتور ایجنسیوں کا تعاون درکار ہوگا۔ ایسی ایجنسیاں صرف مرکزی حکومت کے پاس ہیں۔ وہ ریاستی حکومت کے دفتر میں گھسنے اور گھنٹوں خفیہ ریکارڈنگ کرنے میں کامیاب رہے۔ مجھے یقین ہے کہ ریاستی حکومت اس واقعے کی تحقیقات کرے گی اور ٹیپ کی سچائی کی تصدیق کرے گی۔

انہوں نے کہا کہ بی جے پی لیڈر شکایت کرتے ہیں اور پھر منتخب نمائندوں کو نشانہ بنایا جاتا ہے۔ انہوں نے دعویٰ کیا کہ یہ مہاراشٹرا اور مغربی بنگال میں ہو رہا ہے۔

एखादी व्यक्ती सार्वजनिक जीवनात प्रतिनिधीत्व करत असते त्यावेळेस तिच्या संदर्भातील तक्रारीची शहानिशा केल्याशिवाय भाष्य करणे योग्य नाही. विनाकारण तक्रार करून, वेगवेगळ्या केंद्रीय यंत्रणांची मदत घेऊन लोकप्रतिनिधींना नाउमेद करण्याचा प्रयत्न सध्या मोठ्या प्रमाणात होत आहे.

— Sharad Pawar (@PawarSpeaks) March 9, 2022

پوار نے یہ بھی کہا کہ مرکزی ایجنسیوں نے انل دیشمکھ، ان کے خاندان اور ساتھیوں پر کم از کم 90 چھاپے مارے ہیں۔ ’دی انڈین ایکسپریس‘ کی رپورٹ کے مطابق، پوار نے کہا، ‘میں جانتا ہوں کہ انل دیشمکھ، ان کے خاندان، رشتہ داروں، پرائیویٹ سیکریٹری اور چارٹرڈ اکاؤنٹنٹ پر کم از کم 90 بار چھاپے مارے گئے ہیں۔ اس معاملے میں 200 سے زائد لوگوں کے بیانات قلمبند کیے گئے ہیں۔ انفورسمنٹ ڈائریکٹوریٹ نے 50 چھاپے مارے ہیں، سنٹرل بیورو آف انویسٹی گیشن نے 20 چھاپے مارے ہیں اور انکم ٹیکس ڈپارٹمنٹ نے 20 چھاپے مارے ہیں۔ ایک شخص کے معاملے میں کل 90 چھاپے مارے گئے ہیں۔ میں نے بطور منتظم اپنے تجربے میں یہ پہلے کبھی نہیں سنا۔ یہ چھاپے اس بات کی علامت ہیں کہ کس طرح مرکزی ایجنسیوں کو استعمال کیا جا رہا ہے۔ اس طرح مرکزی ایجنسیوں کا استعمال پارلیمانی جمہوریت میں شرمناک عمل ہے۔

انہوں نے مزید کہا کہ شیو سینا کے رکن پارلیمنٹ سنجے راوت نے وزیر اعظم نریندر مودی کو ایک خط لکھا تھا کہ کس طرح مرکزی ایجنسیوں کے اہلکار لوگوں سے پیسے بٹور رہے ہیں۔ پوار نے کہا کہ مجھے امید ہے کہ وزیر اعظم اس خط کا نوٹس لیں گے۔