پہلا مرحلہ:کل 102 سیٹوں پر 62.8فیصد پولنگ بنگال نمبر ون رہا، بہار سب سے پھسڈی

نئی دہلی:عام انتخابات کے پہلے مرحلہ کی پولنگ پر امن طور پر ختم ہوگئی جس میں بنگال سب سے آگے رہا اور بہار سب سے زیادہ پھسڈی -اعدادوشمار کے مطابق شام 5 بجے تک بنگال میں سب سے زیادہ 77.57 فیصد ووٹنگ ہوئی۔ سب سے کم ووٹنگ بہار میں 46.32 فیصد رہی۔ 21 ریاستوں میں اوسط ووٹنگ 62.8 فیصد ہے۔جو درج ذیل ہے
اتر پردیش – 57.54
اتراکھنڈ -53.56
بنگال -77.57
تریپورہ۔76.10
تمل ناڈو – 62.02
راجستھان-50.27
سکم۔67.58
مہاراشٹر-54.85
مدھیہ پردیش- 63.25
جموں کشمیر-65
چھتیس گڑھ-63.41
بہار-46.32
آسام -70.77
ووٹنگ کے دوران منی پور کے بشنو پور میں فائرنگ، بنگال کے کوچ بہار میں تشدد اور چھتیس گڑھ کے بیجاپور میں گرینیڈ دھماکہ ہوا۔ دھماکے میں ایک اسسٹنٹ کمانڈنٹ اور ایک سپاہی زخمی ہوئے ہیں۔اس مرحلے میں منی پور کی دو لوک سبھا سیٹوں (منی پور اندرونی اور منی پور بیرونی) پر بھی ووٹنگ ہوئی۔ تشدد کے پیش نظر بیرونی سیٹوں کے کچھ حصوں میں 26 اپریل کو ووٹنگ بھی ہوگی۔
2019 میں، ان 102 لوک سبھا سیٹوں میں سے، بی جے پی نے 40، ڈی ایم کے نے 24 اور کانگریس نے 15 پر کامیابی حاصل کی تھی۔ دیگر کو 23 سیٹیں ملیں تھیں۔ اس مرحلے میں زیادہ تر سیٹوں پر مقابلہ ان تین  کے درمیان ہے۔جبکہ ڈی ایم کے انڈیا گٹھبندھن کا حصہ ہے خبر کے مطابق پہلے مرحلے میں 1625 امیدوار میدان میں ہیں۔ ان میں سے 1491 مرد اور 134 خواتین امیدوار ہیں۔ 8 مرکزی وزیر، ایک سابق وزیر اعلیٰ اور ایک سابق گورنر بھی اس بار میدان میں ہیں۔