میری گرفتاری میں گورنر ہاؤس کا ہاتھ :ہیمنت سورین

رانچی:جھارکھنڈ کے سابق وزیر اعلیٰ ہیمنت سورین نے پیر کو الزام لگایا کہ منی لانڈرنگ کیس میں ای ڈی کے ذریعہ ان کی گرفتاری میں راج بھون ملوث تھا۔ جیل میں بند ہیمنت سورین نے جھارکھنڈ اسمبلی سے خطاب کیا۔ انہیں جھارکھنڈ کے نئے وزیر اعلی چمپئی سورین کے اعتماد کے ووٹ کے لیے اسمبلی میں لایا گیا تھا۔ رانچی کی خصوصی عدالت نے انہیں اسمبلی میں شامل ہونے کی اجازت دینے کا حکم دیا ہے۔
انہوں نے اپنی گرفتاری کو ‘ہندوستان کی جمہوریت کا سیاہ باب’ قرار دیا۔سابق وزیر اعلیٰ نے کہا کہ ’31 جنوری کی سیاہ رات ملک کی جمہوریت کے ساتھ ایک نئے انداز میں جڑی ہوئی ہے۔ 31 جنوری کی رات ملک میں پہلی بار کسی وزیر اعلیٰ یا سابق وزیر اعلیٰ یا کسی بھی شخص کو راج بھون کے اندر سے گرفتار کیا گیا۔ میں ایسے کسی واقعہ سے واقف نہیں ہوں۔ مجھے لگتا ہے کہ اس واقعہ کو انجام دینے میں راج بھون کا بھی ہاتھ ہے۔‘‘ انہوں نے کہا کہ یہ پہلا موقع ہے جب راج بھون میں کسی کو گرفتار کیا گیا ہے۔ اب دیکھنا یہ ہے کہ لوک سبھا اسپیکر کی رہائش گاہ راشٹرپتی بھون سے گرفتاریوں کا سلسلہ کب شروع ہوگا۔ ہیمنت سورین نے ا ای ڈی کو چیلنج کیا کہ وہ لینڈ اسکیم سے اپنا تعلق ثابت کرے۔ انہوں نے ایجنسی پر تنقید کی اور کہا کہ کسی کو ان سے سیکھنا چاہئے کہ ‘قانون کا غلط استعمال’ کیسے کیا جاتا ہے۔ سابق سی ایم ہیمنت سورین نے کہا، ‘میں آنسو نہیں بہاؤں گا، میں انہیں وقت کے لیے بچاؤں گا۔ آپ لوگوں کے لیے آنسو کوئی معنی نہیں رکھتے۔