گورنر تمل ناڈو ریاستی امن کے لئے خطرہ،سی ایم اسٹالن نے صدر جمہوریہ کو خط لکھا

تمل ناڈو کے وزیر اعلی ایم کے اسٹالن نے صدر دروپدی مرمو کو خط لکھا ہے جس میں گورنر آر این روی پر "فرقہ وارانہ منافرت” بھڑکانے کا الزام لگایا ہے اور انہیں "ریاست میں امن کے لیے خطرہ” قرار دیا ہے۔
انڈین ایکسپریس کے مطابق وزیراعلی نے اپنے خط میں لکھا کہ "ریاستی دارالحکومت میں بیٹھ کر ریاستی حکومت کا تختہ الٹنے کی کوشش سے گورنر کو صرف مرکز کا ایجنٹ سمجھا جا سکتا ہے اور گورنر کا ایسا عمل ہمارے وفاقی فلسفے کو تباہ کر دے گا اور ہندوستانی جمہوریت کے بنیادی اصولوں کو تباہ کر دے گا۔” تمل ناڈو کے گورنر … آر این روی نے خود ایسے گورنر کی ایک اچھی مثال پیش کی ہے۔ گورنر نے آئین اور قانون کی حفاظت اور تمل ناڈو کے لوگوں کی خدمت اور بہبود کے لیے خود کو وقف کرنے کے لیے آرٹیکل 159 کے تحت حلف لیاہے
۔ چیف منسٹر نے کہا کہ یہ واضح ہے کہ مسٹر روی نے اپنے دائرے سےتجاوز کیا ہے اور فرقہ وارانہ نفرت کو ہوا دی اور یہ ریاست میں امن کے لئے خطرہ ہے،” اتوار کو جاری کردہ وزیر اعلی کا
خط 8 جولائی کا ہے۔
سی ایم نے روی کو "گورنر کے عہدے کے لیے نااہل” قرار دیا اور صدر سے درخواست کی کہ وہ "اان کے سیاسی تعصب، جلد بازی اور فرقہ وارانہ نفرت کو بھڑکانے” کی وجہ سے "انھیں اعلیٰ آئینی عہدے سے ہٹانے پر غور کریں”۔ وزیر اعلیٰ نے کہا کہ وہ روی کی مدت ملازمت میں توسیع کا فیصلہ صدر پر چھوڑ دیں گے۔
سی ایم نے گورنر پر ستمبر 2021 میں عہدہ سنبھالنے کے بعد سے "جمہوری طور پر منتخب ڈی ایم کے حکومت کے ساتھ نظریاتی اور سیاسی تنازعہ میں ملوث” ہونے کا الزام لگایا، جس کی کئی مثالیں درج ہیں۔ حکومتی بیان میں کہا گیا ہے کہ گورنر کے اقدامات نے پریشانی پیدا کی اور حکومت کے کام میں رکاوٹ ڈالی۔