گجرات: مہسانہ میں یاترا پر پتھراؤ۔پولیس نے حالات کو سنبھالا، 15 افراد زیرحراست

مہسانہ: ایودھیا میں رام مندر کی تعمیر کے لیے اتوار کو نکالی گئی رام یاترا کے دوران گجرات کے مہسانہ ضلع کے کھیرالو گاؤں میں پتھراؤ کیا گیا۔بی بی سی ہندی کے مطابق واقعہ کی سنگینی کو دیکھتے ہوئے بڑی تعداد میں پولیس فورس بھی پہنچ گئی۔
پتھراؤ کے بعد یاترا کو روک دیا گیا اور پولیس اور مقامی ایم ایل اے کی موجودگی میں تقریباً ڈھائی گھنٹے کے بعد یاترا مکمل ہوئی۔
اس واقعے کے بارے میں میں ہندو کمیونٹی کا دعویٰ ہے کہ کوئی اشتعال انگیز کارروائی نہیں کی گئی، اس کے باوجود حملہ ہوا، جب کہ مسلم کمیونٹی کے رہنماؤں کا دعویٰ ہے کہ یاترا کے دوران ٹریکٹر میں بیٹھے لوگوں نے اشتعال انگیز باتیں کیں۔
مہسانہ رینج کے انسپکٹر جنرل آف پولیس (آئی جی پی) ویریندر یادو نے میڈیا سے بات کرتے ہوئے کہا“پولیس نے جلوس کے دوران مناسب انتظامات کئے تھے۔ حالات خراب ہونے پر آنسو گیس کے گولے بھی داغے گئے۔ فی الحال تفتیش جاری ہے اور پتھراؤ کے واقعے میں نظر آنے والے تقریباً 15 افراد کو بھی حراست میں لیا گیا ہے۔
اس معاملے میں 32 لوگوں کے خلاف ایف آئی آر درج کی گئی ہے۔ لیکن کسی کو گرفتار نہیں کیا گیاکھیرالو میں فرقہ وارانہ کشیدگی کے واقعات عام نہیں ہیں۔ تقریباً 15-17 ہزار کی آبادی والے اس گاؤں میں تقریباً 2500-3000 مسلمان رہتے ہیں۔ دونوں فرقوں کے درمیان پرامن تعلقات ہیں اور تجارت میں ہندو مسلم شراکت داری بھی ہے۔