گیانواپی سروے جاری رہے گا,سپریم کورٹ کا اسٹیٹ سے انکار

ُ نئی دہلی: سپریم کورٹ نے گیانواپی کیس کی سماعت کرتے ہوئے سروے کو ہری جھنڈی دے دی ہے۔ عدالت عظمیٰ نے الہ آباد ہائی کورٹ کے حکم پر گیانواپی میں کئے جانے والے سروے پر روک لگانے سے انکار کر دیا ہے۔ سپریم کورٹ نے اے ایس آئی سروے کے لیے ہائی کورٹ کے حکم کو برقرار رکھا ہے۔ اس کے ساتھ ہی عدالت نے کہا کہ سروے میں مناسب حفاظتی انتظامات ہوں گے اور سروے کے دوران کھدائی وغیرہ کا کوئی کام نہیں ہوگا۔ سپریم کورٹ نے محفوظ علاقے سے باہر گیانواپی میں سروے کو ہری جھنڈی دے دی ہے۔ اس معاملے میں چیف جسٹس ڈی وائی چندر چوڑ، جسٹس جے بی پارڈی والا اور جسٹس منوج مشرا کی بنچ نے اپنا فیصلہ سنایا ہے۔
گیانواپی کیس کی سماعت کرتے ہوئے سپریم کورٹ نے کہا کہ ہم اس مرحلے میں مداخلت نہیں کریں گے۔ ہم اے ایس آئی کی یقین دہانی پر عمل کریں گے۔ عدالت نے کہا کہ اے ایس آئی نے یقین دہانی کرائی ہے کہ کوئی نقصان نہیں ہوگا۔ ساتھ ہی عدالت نے کہا کہ سروے میں غیر حملہ آور طریقے استعمال کیے جائیں گے۔ تمام عبوری احکامات کو چیلنج کرنے کی ضرورت نہیں ہے۔