ہیٹ اسپیچ: گھر میں تلوار رکھیں،ان کی پوچا کریں:متھالک کا ہندوؤں کو ‘مشورہ’

شری رام سینا کے صدر اور ہندوتو تحریک کے ایک سرکردہ رکن پرمود متھالک نے ہندو برادری پر زور دیا کہ وہ اپنی خواتین کی حفاظت کے لیے تلواروں کی پوجا کریں اور انہیں گھروں میں آویزاں کریں۔
متھالک نے اصرار کیا کہ دسہرہ سے ایک دن قبل جنوبی ہندوستان میں منائی جانے والی آیودھا پوجا کے دوران اوزاروں یا کتابوں کی بجاۓ تلوار کی پوجا کرنا بہتر ہے۔ اس موقع پر لوگ عموماً اپنے کاروبار سے متعلق چیزوں کی پوجا کرتے ہیں۔
انگریزی نیوزپورٹلmuslim mirror کے مطابق متھالک نے کہا”ہمیں ٹریکٹر، کتاب یا پنسل کے بجائے تلواروں کی پوجا کرنی چاہیے۔ ہمیں اپنی خواتین کی حفاظت کے لیے اپنے گھروں میں تلواریں رکھنی چاہئیں،” وہ جمعرات کو کرناٹک کے بیلگاوی ضلع کے یادروی میں سوامی وویکانند کی یوم پیدائش کے موقع بول رہے تھے
پرمود متالک کا یہ بیان بی جے پی کی رکن پارلیمنٹ پرگیہ سنگھ ٹھاکر کے ہندوؤں کو اپنے باورچی خانے کے چاقو کو تیز رکھنے کا مشورہ دینے کے چند دن بعد آیا ہے، جس سے کرناٹک انتخابات سے قبل ہتھیاروں اور تشدد کے معاملے کو اٹھانے کی سنگھ پریوار کی مربوط کوششوں کو بے نقاب کیا گیا تھا۔
پرمود متالک کے تبصرے ہندوتوا کی تنظیم ہندو جاگرن ویدیکے کی جانب سے کرناٹک کے علاقے اڈوپی میں ایک مارچ کے انعقاد کے چند مہینوں بعد سامنے آئے ہیں، جس کے دوران مردوں نے تلواریں اٹھا رکھی تھیں اور متعدد وٹریولک تقریروں نے ہندوؤں کو خود کو مسلح کرنے کی ترغیب دی۔
’’ہر ہندو کے گھر میں ایک ہتھیار ہونا چاہیے۔ ہندوؤں کو اگلی آیودھا پوجا کے دوران سائیکل، مکسر یا گرائنڈر کے بجائے ہتھیاروں کی پوجا کرنی چاہیے۔ آئیے خود کو ان ہتھیاروں کو استعمال کرنے کی تربیت دیں۔ ہندو جاگرن ویدک اس کو حاصل کرنا چاہتے ہیں” یہ ایک بیان تھا جو ایک ٹیلی ویژن رپورٹر اور اڈوپی سے ہندوتوا لیڈر شری کانت شیٹی کارکالا نے اپنے خطاب میں دیا تھا۔
کون ہیں متھالک:پرمود متھالک کرناٹک کی مشہور ہندوتوشخصیات میں سے ایک ہیں، وہ تفرقہ انگیز اور اشتعال انگیز باتیں کہنے کے لیے جانے جاتے ہیں۔ انہوں نے کرناٹک میں بجرنگ دل کے پہلے کنوینر کے طور پر خدمات انجام دیں اور 2004 میں استعفیٰ دینے سے پہلے کئی سال وشو ہندو پریشد کے رکن کے طور پر گزارے۔ انہوں نے 2006 میں بی جے پی اور شیو سینا کے ساتھ مل کر شری رام سینا کی بنیاد رکھی۔