اسرائیلی کابینہ کے انتہا پسند رکن ایتمار بن گویر نے گزشتہ روز حکومتی اتحاد کے ذمہ داروں اور نیتن یاہو کو خبردار کیا ہے کہ اگر حزب اللہ کے ساتھ عارضی جنگ بندی پر اتفاق کیا گیا تو وہ کابینہ کی سرگرمیوں کا بائیکاٹ کر دیں گے اور ان کی جماعت ایسے کسی معاہدے کو قبول نہیں کرے گی۔
مقامی پریس کے مطابق، انتہا پسند سیاسی جماعت قوت یہود کے سربراہ ایتمار بین گویر اسرائیل کی قومی سلامتی کے وزیر ہیں اور حکومت میں رہتے ہوئے اسرائیل میں انتہا پسند اور انتہائی کٹر مذہبی یہوی آباد کاروں کی نمائندگی کرتے ہیں۔
وہ غزہ جنگ بندی کے حوالے سے تجاویز پر بھی نیتن یاہو حکومت کو کابینہ سے الگ ہونے کی دھمکیاں دے چکے ہیں اور غزہ جنگ کے دوران کئی بار مسجد اقصیٰ جا کر مسجد کا تقدس پامال کر کے مسلمانوں کے جذبات مجروح کر چکے ہیں۔
بین گویر کا تازہ بیان گزشتہ روز اُس وقت آیا جب امریکہ کی طرف سے تجویز آئی کہ 21 دنوں کے لیے حزب اللہ کے ساتھ عارضی جنگ بندی کی جائے اور اس دوران سفارت کاری کو موقع دیا جائے تاہم اس بارے میں ابھی اسرائیلی وزیر اعظم نیتن یاہو نے کوئی رد عمل ظاہر نہیں کیا۔
البتہ اسرائیلی وزیر خارجہ کاٹز نے اس تجویز کو رد کر دیا ہے جبکہ اب داخلی سلامتی کے وزیر بین گویر نے بھی اس تجویز کے مانے جانے کے خلاف پیشگی دھمکی دی ہے کہ وہ کابینہ کی ذمہ داریاں پوری نہیں کریں گے۔
حزب اللہ کے خلاف جنگ روکی گئی تو حکومت سے اتحاد ختم کر دوں گا: اسرائیلی وزیر کی دھمکی
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔