نئی پارلیمنٹ کا افتتاح: 19 پارٹیاں تقریب کا بائیکاٹ کریں گی

کانگریس سمیت 19 حزب اختلاف کی جماعتوں نے نئے پارلیمنٹ ہاؤس کی افتتاحی تقریب کا بائیکاٹ کرنے کا اعلان کیا ہے۔ اب ان سب نے مشترکہ بیان جاری کیا ہے۔ بیان میں کہا گیا ہے کہ جمہوریت کی روح کو پارلیمنٹ سے نکال دیا گیا ہے۔ ہمیں اس عمارت کی کوئی قیمت نظر نہیں آتی۔ اسی لیے ہم نے پارلیمنٹ کی نئی عمارت کے افتتاح کے بائیکاٹ کا فیصلہ کیا ہے۔ ہم وزیر اعظم اور ان کی حکومت کے خلاف لڑتے رہیں گے۔
 پارلیمنٹ ہاؤس کے افتتاح کو اہم موقع قرار دیتے ہوئے کہا گیا ہے کہ حکومت جمہوریت کو خطرے میں ڈال رہی ہے اور نئی پارلیمنٹ کی تعمیر آمرانہ انداز میں کی گئی۔ اس کے باوجود ہم اس اہم موقع پر اپنے اختلافات کو ایک طرف رکھنے کے لیے تیار تھے۔ لیکن جس طرح سے صدر دروپدی مرمو کو مکمل طور پر نظرانداز کرتے ہوئے وزیر اعظم کے ساتھ پارلیمنٹ کی نئی عمارت کا افتتاح کرنے کا فیصلہ لیا گیا، وہ نہ صرف ایوان صدر کی توہین ہے بلکہ
جمہوریت پر سیدھا حملہ ہے۔
جن جماعتوں نے بائیکاٹ کیا ان میں انڈین نیشنل کانگریس، دراوڑ منیترا کزگم (DMK)، عام آدمی پارٹی، شیو سینا (ادھو بالا صاحب ٹھاکرے)، سماج وادی پارٹی، کمیونسٹ پارٹی آف انڈیا (سی پی آئی)، جھارکھنڈ مکتی مورچہ، کیرالہ کانگریس (مانی)، ودوتھلائی چیروتھائیگل را، راشٹریہ لوک دل (RLD)، ترنمول کانگریس (TMC)، جنتا دل متحدہ (جے ڈی یو)، نیشنلسٹ کانگریس پارٹی (این سی پی)، کمیونسٹ پارٹی آف انڈیا (مارکسسٹ) (CPIM)، راشٹریہ جنتا دل (آر جے ڈی)، انڈین یونین مسلم لیگ، نیشنل کانفرنس، ریوولیوشنری سوشلسٹ پارٹی، مرومالارتھی دراوڑ منیترا کزگم (MDMK) شامل ہیں۔