مسلم پسماندہ پر نظر،میونسپل الیکشن میں مسلم امیدوار اتارے گی بی جے پی

لکھنؤ: بی جے پی بلدیاتی انتخابات میں مسلم امیدواروں کو بھی موقع دے گی۔ بلدیاتی انتخابات میں مسلم پسماندہ برادری کی حمایت کے لیے میونسپل کارپوریشن سمیت اہم اداروں میں بھی کانفرنسیں منعقد کی جائیں گی۔ پارٹی ذرائع کے مطابق سو سے زیادہ نگر پنچایتیں اور بلدیات مسلم اکثریتی ہیں۔ مضبوطی سے الیکشن لڑنے کے لیے پارٹی کو صرف مسلم امیدواروں کو کھڑا کرے گی
امر اجالا’ کی رپورٹ کے مطابق اقلیتی بہبود کے وزیر مملکت دانش آزاد انصاری کا کہنا ہے کہ پارٹی چیئرمین اور کونسلر کے عہدوں کے لیے مسلم کمیونٹی کو بڑی تعداد میں ٹکٹ دے گی۔ امیدواروں کے انتخاب کے لیے ہر سطح پر برین اسٹارمنگ بھی جاری ہے۔ دانش کا کہنا ہے کہ بلدیاتی انتخابات کے پیش نظر پارٹی کی جانب سے پسماندہ مسلم کانفرنس کا بھی انعقاد کیا جائے گا۔ کانفرنس میں پسماندہ برادری کے ساتھ ساتھ دیگر مسلم مذہب کے لوگ بھی شرکت کریں گے۔
پہلے مرحلے میں تمام میونسپل کارپوریشنوں میں کانفرنسیں منعقد کی جائیں گی اور اس کے بعد بڑی میونسپلٹیز میں کانفرنسیں منعقد کی جائیں گی۔ ان کا دعوی ہے کہ کانفرنس کے ذریعہ سماج بھی بی جے پی سے جڑ رہا ہے۔
قابل ذکر ہے کہ پارٹی نے ریاست میں لوک سبھا اور اسمبلی انتخابات میں ایک بھی مسلم امیدوار کو ٹکٹ نہیں دیا تھا۔ حالانکہ دانش علی یوگی حکومت میں وزیر مملکت ہیں۔ قانون ساز کونسل میں تین مسلم ارکان ہیں جن میں دانش، محسن رضا اور بکل نواب شامل ہیں۔.