نئی دہلی:(ایجنسی)
یہاں کی ایک عدالت نے جمعہ کو یونائیٹڈ اگینسٹ ہیٹ کے بانی ممبر خالد سیفی کی 2020 کے شمال مشرقی دہلی فسادات کے پیچھے مبینہ بڑی سازش کے سلسلے میں UAPA کیس میں ضمانت کی درخواست کو مسترد کر دیا۔
آئی اے این ایس کے مطابق ضمانت کی درخواست کو مسترد کرتے ہوئے ایڈیشنل سیشن جج امیتابھ راوت نے کہا: ’میری رائے ہے کہ ملزم خالد سیفی کے خلاف الزامات پہلی نظر میں سچ ہیں۔‘ سیفی کے وکیل ربیکا جان نے دلیل دی کہ اسے اس کیس میں جھوٹا پھنسایا گیا ہے اور استغاثہ کا پورا کیس 2020 کے فرقہ وارانہ فسادات سے جوڑنے کے لیے بغیر کسی ثبوت کے بے بنیاد ہے۔ اس نے یہ بھی دلیل دی کہ ضمنی چارج شیٹ میں دئے گئے ‘ بیان کے علاوہ، یہ ظاہر کرنے کے لیے کوئی ثبوت نہیں ہے کہ خالد سیفی نے دسمبر 2019 میں بڑے سازش کیس کے ایک اور ملزم، جے این یو کے سابق طالب علم عمر خالد سے ملاقات کی، یا خالد نے اسے کوئی ثبوت دیا۔
وکیل دفاع کے دلائل کی مخالفت کرتے ہوئے، اسپیشل پبلک پراسیکیوٹر امت پرساد نے کہا کہ ریکارڈ پر کافی مواد موجود ہے کہ یہ ثابت کیا جا سکے کہ خالد سیفی کے خلاف الزام پہلی نظر میں سچ ہے اور اس لیے ضمانت کی درخواست خارج کی جا سکتی ہے۔ پرساد نے مزید کہا کہ احتجاج صرف سی اے اے یا این آر سی کے بارے میں نہیں تھا بلکہ حکومت کو شرمندہ کرنے اور ایسے قدم اٹھانے کے لیے تھا کہ بین الاقوامی میڈیا میں اسے نمایاں کیا جائے۔
