سونیا سے ملے دانش،جلد کانگریس کا دامن تھامیں گے

نئی دہلی:رکن پارلیمنٹ دانش علی نے  کانگریس کی سابق صدر سونیا گاندھی سے ملاقات کی۔ ذرائع کا کہنا ہے کہ دانش علی بہت جلد کانگریس میں شامل ہو سکتے ہیں۔ وہ کانگریس کے ٹکٹ پر امروہہ سیٹ سے 2024 کا لوک سبھا الیکشن لڑ سکتے ہیں۔ سونیا گاندھی سے اس ملاقات کے بعد رکن پارلیمنٹ دانش علی نے سوشل میڈیا سائٹ پر لکھا
ان کا دل ہندوستان کے غریبوں کے لیے دھڑکتا ہے۔ یہ ان کی سربراہی والی NAC تھی جس نے منریگا، آر ٹی آئی، تعلیم کا حق، فوڈ سیکورٹی بل جیسے اہم غریبوں کے حامی اور شفافیت کے قوانین کو نافذ کرنے میں اہم کردار ادا کیا۔
سامنے آئی معلومات کے مطابق دانش علی اگلے چند دنوں میں کانگریس میں شامل ہو سکتے ہیں۔ ان کا نام لوک سبھا انتخابات کے لیے کانگریس کی آنے والی فہرستوں میں ہو سکتا ہے۔ دانش علی نے 2019 کا لوک سبھا الیکشن بی ایس پی کے ٹکٹ پر لڑ کر جیتا ہے۔
وہ بی ایس پی کے ٹکٹ پر امروہہ سے ایم پی منتخب ہوئے لیکن بعد کے دنوں میں وہ بی ایس پی سے مایوس ہونے لگے اور کانگریس کے قریب آگئے۔ بی ایس پی نے انہیں پارٹی سے نکال دیا ہے۔
دانش علی اچانک اس وقت سرخیوں میں آگئے جب لوک سبھا میں بی جے پی کے رکن پارلیمنٹ رمیش بدھوری نے ان کو تضحیک آمیز الفاظ سے مخاطب کیا۔ اس واقعہ کے بعد راہل گاندھی نے ان سے ملاقات کی۔ مانا جا رہا ہے کہ اس واقعہ کے بعد وہ راہل گاندھی سے اچھے دوست بن گئے اور کانگریس کے قریب ہو گئے ہیں۔