ملک کے مختلف حصوں مون لنچنگ کا سلسلہ تھمنے کا نام نہیں لے رہا ہے خاص طور سے بی جے پی کی زیر اقتدار ریاستوں میں آئے دن ایسے واقعات کی خبریں آتی رہتی ہیں -تازہ معاملہ ہریانہ کے چرخی دادری ضلع میں مغربی بنگال سے تعلق رکھنے والے صابر ملک کا ہے جس کو مبینہ طور پر بیف کھانے کے شک میں پیٹ پیٹ کر مارڈالا پولیس نے قتل کے الزام میں 5 افراد کو گرفتار کیا ہے جو کہ مبینہ گئو رکشک گروپ کا حصہ ہیں۔ پولیس نے ہفتہ کے روز یہ اطلاع دی۔
ایک سینئر پولیس افسر کے مطابق صابر ملک کو 27 اگست کو قتل کیا گیا تھا۔ ملزمان ابھیشیک، موہت، رویندر، کمل جیت اور ساحل کو شک تھا مقتول نے گائے کا گوشت کھایا ہے۔ چنانچہ انہوں نے صابر کو پلاسٹک کی خالی بوتلیں بیچنے کے بہانے ایک دکان پر بلایا اور پھر اسے بری طرح زد و کوب کیا۔
انہوں نے مزید کہا کہ جب کچھ لوگوں نےمداخلت کی تو ملزمان صابر ملک کو کسی دوسری جگہ لے گئے اور اسے وہازن بھی بری طرح مارا پیٹا، جس سے اس کی موت ہو گئی۔ پولیس نے بتایا کہ مقتول ملک چرخی دادری ضلع میں بنڈھرا گاؤں کے قریب ایک جھونپڑی میں رہتا تھا اور روزی روٹی کے لیے کباڑ خریدتا اور فروخت کرتا تھا۔
انہوں نے کہا کہ تمام پانچ ملزمان کو گرفتار کر لیا گیا ہے اور اس معاملے میں دو نابالغوں کو بھی گرفتار کیا گیا ہے۔ پولیس نے بتایا کہ ملزمان کے خلاف بی این ایس کی متعلقہ دفعات کے تحت مقدمہ درج کیا گیا
*سی ایم کا بیان بھی آیا
چرخی دادری کے اس واقعہ کو لے کر ہریانہ کے سی ایم نایاب سنگھ سینی کا بیان بھی سامنے آیا ہے۔ انہوں نے کہا کہ ہم نے گائے کے تحفظ کے لیے سخت قانون بنایا ہے۔ اس کے لیے کوئی سمجھوتہ نہیں ہے۔ لوگ گائے پر یقین رکھتے ہیں۔ ان کے جذبات جڑے ہوئے ہیں۔ جب ایسی اطلاع آتی ہے تو گاؤں کے لوگ ردعمل ظاہر کرتے ہیں۔
ہریانہ میں لنچنگ: مبینہ گئو رکشکوں نے پیٹ پیٹ کر مارڈالا، 5 ملزمان گرفتار
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔