‘من کی بات’ کی ساری جہاں میں دھوم: پروفیسر محمد جسیم

علی گڑھ (پریس ریلیز) وزیر اعظم نریندر مودی کی ’من کی بات‘ کی دنیا میں دھوم ہے۔ آج 23 کروڑ سے زیادہ لوگ ’من کی بات‘ کو پابندی سے سنتے ہیں۔ 17.6 فیصد لوگ ریڈیو پر ’من کی بات‘ سنتے ہیں، اور ساتھ ہی دنیا میں 44.7 فیصد لوگ ٹی وی پر پی ایم مودی کا پروگرام دیکھتے ہیں۔‘‘ یہ بات ’سنٹر فار نریندر موڈی اسٹڈیز‘ کے چیئرمین پروفیسر جسیم محمد نے ایک پریس ریلیز میں کہی۔
واضح ہو پروفیسر جسیم محمد نے ’من کی بات‘ پروگرام پر مبنی کتاب ترتیب دی ہے۔ان کا کہنا ہے کہ ’’ 2016 میں پہلی بار ’من کی بات‘ پروگرام کو کتابی شکل دی اور 2 کاپی وزیر اعظم نریندر مودی کو بطور تحفہ پیش کیں‘‘ وہ کہتے ہیں کہ ’’دنیا ان کے نظریات سے استفادہ کررہی ہے۔ میں نے محسوس کیا ہے کہ مہاتما گاندھی جی کے بعد نریندر مودی ایسے لیڈر ہیں جنھوں نے عام لوگوں کے جذبات کو محسوس کیااور انھیں سمجھا ہے۔‘‘
قابل ذکر ہے کہ ’من کی بات‘ پروگرام پر مبنی کتاب کی اب تک 6 جلدیں منظر عام پر آ چکی ہیں۔ ہندی میں ترتیب دی گئی یہ کتابیں سنٹر فار نریندر مودی اسٹڈیز (نمو سنٹر)، نئی دہلی کی ویب سائٹ پر موجود ہے جہاں سے مفت ڈاؤن لوڈ کیا جا سکتا ہے۔ کتاب ڈاؤن لوڈ کرنے کے لیے https://namostudies.com/publications-hindi/ لنک پر کلک کر سکتے ہیں۔ نریندر مودی کی شخصیت اور ان کے کارناموں پر مبنی کچھ انگریزی کتابیں بھی سنٹر فار نریندر مودی اسٹڈیز کی ویب سائٹ پر موجود ہیں جنھیں https://namostudies.com/publications/ لنک پر کلک کر کے ڈاؤن لوڈ کیا جا سکتا ہے۔