متھرا :(ایجنسی)
متھرا عیدگاہ مسجد اور کرشنا جنم بھومی تنازع کا پہلا کیس جمعرات کو دوبارہ کھول دیاگیا۔ اس تنازع میں کل 11 مقدمات درج ہیں۔ جسمعاملے کوکھولا گیا ہے اسے مقامی عدالت نے 2020 میں بند کر دیا تھا۔ جو پہلا معاملہ جمعرات کو کھولا گیا اس کی سماعت یکم جولائی کو ہوگی۔ خاص بات یہ ہے کہ اس معاملے کو اسی نمبر پر کھولا گیا جو کیس نمبر 2020 میں تھا۔
یہ مقدمہ 25 ستمبر 2020 کو متھرا کے سول جج (سینئر ڈویژن) کی عدالت میں دائر کیا گیا تھا، لیکن اسے 30 ستمبر 2020 کو اس بنیاد پر خارج کر دیا گیا تھا کہ درخواست گزاروں، جن میں زیادہ تر لکھنؤ اور مشرقی یوپی کے وکلاء تھے، کو آگے مقدمہ کرنے کا کوئی حق نہیں تھا۔ اس لئے یہ معاملہ چلنے کے قابل نہیں تھا۔
اب عرضی گزاروں نے ڈسٹرکٹ جج متھرا کی عدالت میں نظرثانی دائر کی جس میں شاہی عیدگاہ مسجد کی انتظامی کمیٹی سمیت دیگر فریقین کی جانب سے نظرثانی عدالت کے سامنے پیش ہونے کے بعد دیکھ بھال کے معاملے پر فیصلہ کرنا تھا۔ مسجد کمیٹی نے پھر دعویٰ کیا کہ عبادت گاہ قانون 1991 نے اس طرح کے معاملے پر غور کرنے سے روک لگاتا ہے۔
18 ستمبر 1991 کو عبات گاہ 1991 ایکٹ(خصوصی ایکٹ ) کسی بھی عبادت گاہ میں بدلاؤ کی ممانعت اور کسی بھی عبادت گاہ کے مذہبی کردار کو برقرار رکھنے کے لیے فراہم کیا گیا ہے۔ اس میں کہا گیا ہے کہ کسی بھی مذہبی مقام کی جو حیثیت 15 اگست 1947 کو تھی، وہی رہے گی۔ اس کے ساتھ چھیڑ چھاڑ نہیں کی جا سکتی۔
اس معاملے میں، درخواست گزاروں کے وکیل نے عرض کیا کہ ڈسٹرکٹ جج کی عدالت نے نظرثانی کی اجازت دیتے ہوئے حکم دیا کہ یہ معاملہ برقرار ہے کیونکہ عبادت گاہ ایکٹ، 1991، کسی بھی طرح سے’ ‘نام نہاد‘ سمجھوتے میںآڑے نہیں آتا ہے۔ درخواست گزار کا موقف ہے کہ اس معاملے میں جنم استھان سیوا سنگھ اور شاہی مسجد عیدگاہ کے درمیان 12.10.1968 کو دھوکہ دہی سے معاہدہ ہوا تھا۔ یہ مقدمہ 1967 کے سوٹ نمبر 43 کا حصہ تھا، اس کی کوئی قانونی حیثیت نہیں ہے۔ کیونکہ شری کرشنا جنم بھومی ٹرسٹ، جس کی ملکیت اور ٹائٹل ہے، معاہدے کا فریق نہیں تھا۔
درخواست گزار کے وکیل نے عرض کیا کہ سول جج (سینئر ڈویژن) متھرا کی عدالت نے ڈسٹرکٹ جج متھرا کے حکم کی تعمیل کرتے ہوئے جمعرات کو معاملہ بحال کر دیا، اور مدعا علیہ کے لیے معاملے کی اگلی تاریخ 1 جولائی 2022 مقرر کردی گئی ہے ۔
