اندور کے مئیر کی دھمکی:دکان،مالس،ریستوراں میں رام مندر کی شبیہ نہیں لگائی تو۔۔

اگر اندور کی دکانوں، ریستورانوں، مالوں یا ایسے مقامات میں رام مندر کی نقل نہیں لگائی گئی تو اس اکو بڑا نقصان ہو سکتا ہے۔ سٹی میئر نے خود یہ وارننگ دی ہے
اندور کے میئر پشیامتر بھارگوا نے 22 جنوری کو ایودھیا میں رام مندر پران پرتشٹھاکا حوالہ دیتے ہوئے کہا کہ دکانوں، ریستورانوں اور مالز میں رام مندر کی شبیہ لگانے کی درخواست کی گئی ہے۔ اس کے ساتھ ہی انہوں نے خبردار کیا، ‘اگر کوئی اس رام اتسو میں بغیر کسی وجہ کے عدم تعاون کا مظاہرہ کرتا ہے تو اندور کے لوگ انہیں بھی جواب دینا جانتے ہیں۔’ انہوں نے نے کہا، ‘یہ رام جی کا کام ہے، یہ رام راجیہ کا کام ہے۔ مجھے نہیں لگتا کہ کسی کو اس پر کوئی اعتراض ہو گا۔” یہ بیان 15 دن بعد آیا ہے جب بھارگوا نے اندور کے تمام دکانداروں اور مال انتظامیہ کو 15 سے 21 جنوری تک رام مندر کی شبیہ لگانے کے لیے لکھا تھا۔
یہ کہتے ہوئے کہ کچھ لوگوں نے اس پر اعتراض کیا تھا، بھارگو نے پیر کو کہا، ‘ہم نے شہر کے تمام مال، ریستوراں اور اداروں سے درخواست کی تھی کہ اگر سانتا کلاز اور کرسمس کے درخت لگائے جاسکتے ہیں تو رام مندر کی شبیہ بھی لگائیں’۔ ۔ آپ کو اس پر کوئی اعتراض نہیں ہونا چاہیے۔
انھوں نے مزید کہا، ‘ایسا کرنے میں کسی کو کوئی اعتراض نہیں ہونا چاہیے اور اگر لوگ بغیر کسی وجہ کے اس رام اتسو میں تعاون نہیں کرتے ہیں، تو اندور کے لوگ جانتے ہیں کہ انھیں کیا جواب دینا ہے۔’
مدھیہ پردیش حکومت ایودھیا میں رام مندر کی پران پرتشٹھا کے موقع کی یاد میں مختلف شہروں میں کئی پروگرام منعقد کر رہی ہے۔