مہوا موئترا vs ریکھا شرما: نئے قانون کے تحت  مہواکے خلاف کیس درج

ٹی ایم سی کی ایم پی مہوا موئترا اب ایک نئے تنازع میں پھنس گئی ہیں۔ قومی کمیشن برائے خواتین کی چیئرپرسن ریکھا شرما پر ایک سوشل میڈیا پوسٹ پر ترنمول کانگریس کی رکن اسمبلی مہوا موئترا کے خلاف خاتون کے وقار کی توہین سے متعلق معاملہ درج کیا گیا ہے۔ ریکھا شرما کی شکایت پر، دہلی پولیس کے اسپیشل سیل نے اتوار کو نئے ضابطہ فوجداری، بی این ایس کی دفعہ 79 (کسی لفظ، اشارہ یا فعل جس کا مقصد عورت کی توہین کرنا ہے) کے تحت ایف آئی آر درج کی ہے۔ بی این ایس کو حال ہی میں آئی پی سی کی جگہ لاگو کیا گیا ہے۔ مہوا مغربی بنگال کے کرشن نگر سے دوبارہ ایم پی منتخب ہوئی ہیں۔ پچھلے سال، انہیں ‘کیش فار سوال ‘ تنازعہ کے بعد لوک سبھا سے نااہل قرار دے دیا گیا تھا۔ انہوں نے یہ تبصرہ جمعرات کو خواتین کمیشن کی سربراہ کے ہاتھرس کے دورے کے ویڈیو کے ردعمل میں کیا تھا۔ ہاتھرس میں بھگدڑ میں 121 افراد ہلاک ہوئے جن میں زیادہ تر خواتین تھیں۔
ویڈیو میں کسی کو چھتری پکڑ  ریکھا شرما کے اوپر چلتے ہوئے دکھایا گیا ہے۔ مہوا موئترا نے ایکس پر ایک پوسٹ میں لفظ "پاجامہ” کا حوالہ دیا تھا، جس نے تنازعہ کو جنم دیا تھا۔ بعد میں مہوا نے پوسٹ ڈیلیٹ کر دی۔ ریکھا شرما کی شکایت پر پولیس نے مہوا سے اس بارے میں جانکاری مانگی ہے۔ دراصل ریکھا شرما اس بات سے زیادہ ناراض ہیں کہ ان کے لیے چھتری لے کر جانے والا ایک نوکر اس طرح لوگوں کی نظروں میں آیا اور اسے اچھا نہیں سمجھا گیا۔ مہوا موئترا واحد لیڈر ہیں جنہوں نے بھی اس پر تبصرہ کیا۔ مہوا کے بعد لوگوں نے سوشل میڈیا پر اس بارے میں لکھا اور یہ بھی پوچھا کہ ہاتھرس پہنچنے کے بعد ریکھا شرما نے کیا کیا۔
قومی کمیشن برائے خواتین (NCW) نے جمعہ کو مہوا کے ریمارکس کا نوٹس لیا تھا اور مہوا کے خلاف مقدمہ درج کرنے کی کوشش کی تھی۔ لیکن ترنمول رکن پارلیمنٹ  جارحانہ رہیں۔