مودی تیسری بار پی ایم بنیں گے:بدرالدین اجمل کی پیش گوئی، کانگریس کو بی جے پی کی اے ٹیم بتایا

گوہاٹی: آل انڈیا یونائیٹڈ ڈیموکریٹک فرنٹ (AIUDF) کے سربراہ اور دارالعلوم دیوبند کی مجلس شوریٰ کے رکن مولانا بدرالدین اجمل قاسمی نے کہا کہ تین ریاستوں کے اسمبلی انتخابات میں بی جے پی کی جیت نے ثابت کر دیا ہے کہ نریندر مودی تیسری بار وزیر اعظم بنیں گے۔
خبررساں ایجنسی آئی اے این ایس کے مطابق نتائج پر ردعمل ظاہر کرتے ہوئے، اجمل نے پیر کو یہاں نامہ نگاروں کو بتایا کہ "انہیں امید نہیں تھی کہ بی جے پی ریاستی انتخابات میں اچھی کارکردگی کا مظاہرہ کرے گی”۔’’میں نے سوچا تھا کہ کانگریس کم از کم تین ریاستوں میں جیت جائے گی۔ اگر ہم نتائج پر نظر ڈالیں تو یہ واضح ہے کہ نریندر مودی تیسری بار ملک کے وزیر اعظم بنیں گے۔
مولانا اجمل قاسمی نے آسام کانگریس کے صدر بھوپین بورہ پر بھی تنقید کی، اور کہا کہ مؤخر الذکر کے پاس آسام میں پارٹی کی قیادت کرنے کی "کوئی صلاحیت نہیں ہے”۔انہیں فوری طور پر اپنے عہدے سے استعفیٰ دے دینا چاہیے۔
اجمل نے کانگریس پارٹی کے ریاستی لیڈروں پر بی جے پی کے اشارے پر کام کرنے کا الزام لگایا۔
آسام میں کانگریس پارٹی بی جے پی کی اے ٹیم بن گئی ہے۔ لیڈروں کو وزیر اعلیٰ ہمانتا بسوا سرما کو گروی رکھ دیا گیا ہے۔اجمل اگلے عام انتخابات میں کانگریس کے ساتھ اتحاد کرنا چاہتے تھے۔لیکن آسام کانگریس کی قیادت کی سخت مزاحمت کی وجہ سے، AIUDF کو اپوزیشن انڈیا بلاک میں شامل نہیں کیا گیا۔ -یہ معلوم نہیں ہوسکا کہ آخر اجمل کو مودی کے تئیں اس ،خیر سگالی، کا مظاہرہ کیوں کیا گیا ہے