مونو تم آگے بڑھو، ہم تمہارے ساتھ ہیں: ہندوتووادیوں کی "گئو رکھشکوں” کی حمایت میں ریلی

دائیں بازو کی تنظیموں VHP (وشوا ہندو پریشد) اور بجرنگ دل کے ارکان نے ہفتہ کو ایک ریلی نکالی جب بجرنگ دل کے قاتل گروہ کے لیڈر مونو مانیسر پر راجستھان کے دو مسلمانوں جنید اور ناصر کو ہریانہ میں قتل کرنے کا الزام لگایا گیا۔
"جو ہم سے ٹکراے گا چور چور ہو جائے گا” "مونو بھائی اگے بڑھو ہم تمہارے ساتھ ہیں” اور "گئو رکھشکوں کے سمان میں ہر ہندو میدان میں ” جیسے نعرے لگاۓ گیے۔بھگوا بریگیڈ نے راجستھان حکومت کے خلاف بھی نعرے لگائے۔
مونو مانیسر 2016 سے سرگرم بجرنگ دل کا رکن ہے کئی مواقع پر، وہ مرکزی وزیر داخلہ اور پولیس افسران سمیت اعلیٰ سطح کے سیاست دانوں کے ساتھ اپنی تصویریں شیئر کر چکا ہے۔
وہ اپنے اور بجرنگ دل کے دیگر ارکان کی بندوقیں لہراتے ہوئے اور مسلمانوں کو دھمکیاں دیتے ہوئے ویڈیو شیئر کرتا تھا، جن میں سے بہت سے لوگوں کو بے دردی سے زخمی کرتے دیکھا گیا تھا۔
ریلی نکالنے والوں کا کہنا تھا کہ ہم راجستھان حکومت سے کسی بھلائی کی توقع نہیں کر سکتے۔ اس لیے سی بی آئی کو تفتیش دی جانی چاہیے۔ وہ اس موقع کو سیاسی فائدے کے لیے استعمال کرنے کی کوشش کر رہے ہیں۔ یہ قانون کے خلاف ہے۔ ہم اس کی مخالفت کے لیے ایک مہاپنچایت منعقد کریں گے۔
دریں اثنا، گڑگاؤں پولیس نے کہا کہ موہت یادو عرف مونو مانیسر، جنید نا ناصر کی موت کے سلسلے میں درج ایک ایف آئی آر میں نامزد ہے،، وہ بدستور لاپتہ ہے۔ پولیس کا یہ بھی کہنا تھا کہ ٹیمیں اس کی گرفتاری کے لیے چھاپے مار رہی ہیں۔