نئ دہلی این آئی آۓاور ای ڈی نے جمعرات کو انسداد دہشت گردی سرگرمیوں کے سلسلے میں 10 ریاستوں میں تلاشی لی۔ ذرائع نے ‘انڈین ایکسپریس ‘کو بتایا کہ ایجنسیاں اس شبہ پر کارروائی کر رہی ہیں کہ جن لوگوں سے تفتیش کی جا رہی ہے وہ مبینہ طور پر دہشت گرد کیمپوں کو منظم کرنے اور نوجوانوں کو دہشت گردانہ سرگرمیوں میں شامل ہونے کی ترغیب دینے میں ملوث تھے۔ تلاشی کے ایک حصے کے طور پر، پاپولر فرنٹ آف انڈیا (PFI) سے تعلق رکھنے والے 100 سے زیادہ لوگوں کو گرفتار کیا گیا۔انڈین ایکسپریس نے خبر رساں ایجنسی کے حوالے سے کہا یہ تلاشیاں "اب تک کی سب سے بڑے” تفتیشی عمل کا حصہ ہیں۔انڈین ایکسپریس کے مطابق، دہشت گردی کی فنڈنگ، تربیتی کیمپوں کے انعقاد اور کالعدم تنظیموں میں شامل ہونے کے لیے لوگوں کو بنیاد پرست بنانے میں مبینہ طور پر ملوث افراد کی جگہوں کی تلاشی لی جا رہی ہے۔ذرائع نے بتایا کہ این آئی اے کی جانب سے جن مقامات کی تلاشی لی جارہی ہے، ان میں بنگلورو اور کرناٹک کے دیگر حصوں میں کم از کم 10 مقامات بشمول پی ایف آئی کے ریاستی صدر نذیر پاشا کی رہائش گاہ بھی ایجنسی کی جانچ کا حصہ ہے۔،
ردعمل :پی ایف آئی نےان چھاپوں پر ردعمل دیتے ہوۓ کہا، "ہم فسطائی حکومت کی جانب سے اختلاف رائے کی آوازوں کو خاموش کرنے کے لیے ایجنسیوں کے استعمال کی سختی سے مخالفت کرتے ہیں۔” پی ایف آئی نے ایک بیان میں کہا، "اس کے قومی، ریاستی اور مقامی رہنماؤں کے گھروں پر چھاپے مارے جا رہے ہیں۔” ریاستی کمیٹی کے دفتر پر بھی چھاپے مارے جا رہے ہیں۔
