جبری تبدیلی مذہب کا دباؤ ڈالنے کے الزام میں ایک شخص گرفتار،دہلی پولیس کی کارروائی

نئی دہلی;دہلی پولیس نے محمد کلیم (28) کو زبردستی مذہب تبدیل کرانے کے الزام میں گرفتار کیا ہے۔اے بی پی کی نیوز کے مطابق محمد کلیم پر الزام ہے کہ اس نے چاندنی محل تھانہ علاقے کے ترکمان گیٹ پر بنائے گئے نائٹ شیلٹر کے نگراں سندیپ ساگر پر اسلام قبول کرنے کے لیے دباؤ ڈالا اور اسے رقم کا لالچ بھی دیا۔اے بی پی نے اپنی رپورٹ میں بتایا کہ ملزم نے یہ بھی کہا کہ اگر اس نے اپنا مذہب تبدیل کیا تو اسے سرکاری نوکری بھی مل جائے گی۔
شکایت کنندہ کے مطابق ملزم ہندو مذہب کے بارے میں غلط باتیں کرتا تھا اور یوٹیوب پر مذہبی ویڈیوز دکھا کر ہندو مذہب کے بائیکاٹ کی بات کرتا تھا۔ دہلی پولیس نے 9 جون کو ملزم کے خلاف مقدمہ درج کر کے اسے گرفتار کر لیا ہے۔ ملزم کے خلاف آئی پی سی کی دفعہ 153 اے اور 295 اے کے تحت مقدمہ درج کیا گیا
اے بی پی کے مطابق شکایت میں یہ بھی بتایا گیا ہے کہ ملزم کلم نگراں سندیپ کو یوٹیوب پر مذہب اسلام سے متعلق ویڈیوز دکھاتا تھا اور کہا کرتا تھا کہ ہندو مذہب میں کوئی خاصیت نہیں ہے۔ ویڈیو کے ذریعے وہ ہندو مذہب کا بائیکاٹ کرنے کا کہتا تھا اور ہندو مذہب کے بارے میں غلط باتیں کہتا تھا۔