اویسی نے کہا: اکھلیش میں طاقت نہیں کہ وہ یوپی میں بی جے پی کو اقتدار میں آنے سے روک سکیں

بلیا:(ایجنسی)

اے آئی ایم آئی ایم کے سربراہ اسد الدین اویسی نے بلیا میں سماج وادی پارٹی پر نشانہ سادھا۔ انہوں نے کہا کہ اکھلیش یادو میں اتنی طاقت نہیں ہے کہ وہ یوپی میں بی جے پی کو اقتدار میں آنے سے روک سکیں۔ یادو نے 2017 کے اسمبلی انتخابات میں کانگریس کے ساتھ ہاتھ ملایا اور 2019 کے لوک سبھا انتخابات کے لیے بھی اتحاد کیا۔ اویسی سکندر پور علاقہ میں ایک انتخابی میٹنگ سے خطاب کررہے تھے۔ انہوں نے وزیر اعظم نریندر مودی پر بھی طنز کرتے ہوئے کہا کہ انہیں آوارہ جانوروں کے مسائل کے بارے میں پتہ چلا ، جو ریاست میں کسانوں کو انتخاب کے وقت ہی پریشان کررہے ہیں ۔

اویسی نے مزید کہا کہ ریاست میں حکمراں بی جے پی مفت راشن تقسیم کرکے غریبوں کی توہین کررہی ہے۔ خود کو چوکیدار کہنے کے بعد وزیراعظم اب بادشاہ بن چکے ہیں۔ وزیر اعظم مودی پچھلے سات سالوں سے چائے پینے میں اتنے مصروف ہیں کہ انہیں انتخابات کے وقت ریاست میں آوارہ جانوروں کی پریشانی کا علم ہوا۔ انہوں نے کہا کہ ڈبل انجن والی حکومت نے کسانوں اور نوجوانوں کے ساتھ ساتھ تعلیم اور صحت کے شعبے میں بھی کچھ نہیں کیا۔

اویسی نے اپیل کرتے ہوئے مسلمانوں سے پوچھا کہ وہ کب تک ایس پی اور بی ایس پی لیڈروں کے لیے فٹ بال بنے رہیں گے۔ بھاگیداری سنکلپ مورچہ لڑ رہاہے ۔ انہوں نے کہاکہ صرف مورچہ ہی ریاست کو بی جے پی سے نجات دلا نے میں مدد کرسکتا ہے ۔ 10 مارچ کو اترپردیش میں بھگوا پارٹی ختم ہو جائےگی ۔