اویسی کا جادو ختم ؟حیدرآباد کے علاوہ کہیں نہیں اُڑی پتنگ،،امتیاز جلیل بھی ہارگئے

لوک سبھا انتخابات 2024 میں اے آئی ایم آئی ایم نے تقریباً 12 سیٹوں پر اپنے امیدوار کھڑے کیے تھے، جن میں سے اسے صرف ایک سیٹ پر کامیابی ملی ہے۔ تاہم یہ بھی سچ ہے کہ تین سیٹوں کے علاوہ AIMIM کہیں بھی لڑائی میں نہیں تھی۔
اس سے قبل 2019 کے انتخابات میں حیدرآباد سے اسد الدین اویسی اور مہاراشٹر کے اورنگ آباد سے امتیاز جلیل جیت کر پارلیمنٹ پہنچے تھے۔ لیکن اس بار امتیاز جلیل الیکشن ہار گئے ہیں۔ یعنی اس بار اسد الدین اویسی پارلیمنٹ میں اے آئی ایم آئی ایم کے واحد رکن پارلیمنٹ ہوں گے۔
اسد الدین اویسی کی پارٹی کے ووٹ شیئر کی بات کریں تو اسے پورے ملک میں اب تک 0.22 فیصد ووٹ ملے ہیں۔
*اویسی کی جیت کا مارجن بڑھتا گیا۔
اگر ہم صرف اسد الدین اویسی کی سیٹ کی بات کریں تو اویسی کی پارٹی AIAIM نے 1984 سے یہاں اپنی گرفت برقرار رکھی ہے۔ اویسی 2004 سے یہاں سے لوک سبھا الیکشن لڑ رہے ہیں اور مسلسل جیت بھی رہے ہیں۔ ہر الیکشن کے ساتھ اویسی کی جیت کا مارجن بڑھتا ہی جا رہا ہے۔
اویسی نے 2004 میں ایک لاکھ ووٹوں سے کامیابی حاصل کی تھی۔
2009 میں 1.13 لاکھ ووٹوں سے جیتا تھا۔
2014 میں 2.02 لاکھ ووٹوں سے جیتا تھا۔
2019 میں 2.82 لاکھ ووٹوں سے جیتا۔
2024 میں 3.38 لاکھ ووٹوں سے جیتا۔
2019 کا ووٹ شیئر
2019 کے عام انتخابات میں پارٹی نے تین جگہوں پر الیکشن لڑا تھا جن میں کشن گنج (بہار)، اورنگ آباد (مہاراشٹرا) اور تلنگانہ (حیدرآباد) شامل تھے لیکن اسے کشن گنج سیٹ پر شکست کا سامنا کرنا پڑا تھا۔
اگر ہم ووٹ شیئر پر نظر ڈالیں تو AIMIM کو حیدرآباد میں 58.95 فیصد، اورنگ آباد میں 32.47 فیصد اور کشن گنج میں تیسرے نمبر پر رہنے کے باوجود 26.78 فیصد ووٹ ملے۔
اس بار اگر ہم ان تین اہم سیٹوں کی بات کریں تو اویسی کو 61 فیصد ووٹ ملے ہیں، امتیاز جلیل کو 27 فیصد ووٹ ملے ہیں اور کشن گنج میں اختر الایمان کو 28 فیصد ووٹ ملے ہیں۔
اس سے قبل 2014 کے لوک سبھا انتخابات میں، اے آئی ایم آئی ایم نے تلنگانہ میں چار سیٹوں – ملکاجگیری، سکندرآباد، بھونگیر، حیدرآباد اور آندھرا پردیش میں نندیال سے مقابلہ کیا تھا، لیکن پارٹی حیدرآباد کے علاوہ کوئی بھی سیٹ نہیں جیت سکی تھی۔ سکندرآباد سیٹ پر پارٹی کو 14.46 فیصد ووٹ ملے جبکہ دیگر سیٹوں پر حالات بہت خراب تھے۔ اس بار بھی باقی سیٹوں پر اے آئی ایم آئی ایم کے امیدواروں کی جمع پونجی ضبط ہوتی نظر آرہی ہے۔
اے آئی ایم آئی ایم نے ان سیٹوں پر امیدوار کھڑے کیے تھے۔
حیدرآباد,اورنگ آباد,کشن گنج مدھوبنی ,کارکت ,مظفر پور,,مہاراج گنج ,شیوہر,پاٹلی پترا,گوپال گنج,گوڈا
بی جے پی کی بی ٹیم؟
یہاں یہ جاننا بھی ضروری ہے کہ اسد الدین اویسی کی پارٹی اے آئی ایم آئی ایم نے بہار میں الیکشن لڑا تھا، لیکن پارٹی نے یوپی میں 80 سیٹوں پر کوئی امیدوار نہیں کھڑاکیا تھے۔ تاہم، انہوں نے پلوی پٹیل کی پارٹی اپنا دل کمراواڑی کے ساتھ اتحاد کیا تھا اور اکھلیش کی پی ڈی اے کے سامنے پی ڈی ایم یعنی پسماندہ، دلت اور مسلم کا اعلان کیا تھا۔ یوپی میں اسد الدین اویسی کے الیکشن نہ لڑنے کا فائدہ انڈیا گروپ کے ووٹ شیئر سے بھی نظر آرہا ہے۔