نئی دہلی :(ایجنسی)
ملک بھر میں چلچلاتی اور جھلسا دینے والی گرمی شروع ہو چکی ہے۔ بھارتیہ محکمہ موسمیات نے بتایا ہے کہ اگلے 4 سے 5 دنوں کے دوران وسطی اور مغربی ہندوستان میں گرم لہر چلنے کا امکان ہے۔ ان میں بہار، چھتیس گڑھ، جھارکھنڈ، اڑیشہ، مغربی بنگال، گوا اور گجرات سمیت کئی ریاستیں شامل ہیں۔
دہلی میں درجہ حرارت 40 ڈگری تک جائے گا
محکمہ موسمیات نے خبردار کیا ہے کہ اپریل کے شروع میں دہلی کا درجہ حرارت 40 ڈگری تک جا سکتا ہے۔ دہلی کے علاوہ زیادہ گرمی والی ریاستوں میں یوپی، اتراکھنڈ، پنجاب اور شمالی ہندوستان کی دیگر ریاستیں شامل ہیں۔
شمال مشرقی ریاستوں میں موسلادھار بارش کا امکان
محکمہ موسمیات کی پیش گوئی کے مطابق آئندہ تین سے چار دنوں میں ریاست کے بیشتر علاقوں میں ہیٹ ویو اور شدید گرمی پڑنے کا امکان ہے۔ جبکہ 31 مارچ سے 3 اپریل کے درمیان اروناچل پردیش، آسام-میگھالیہ کے مختلف حصوں میں بھاری بارش متوقع ہے۔ اس کے پیچھے خلیج بنگال سے آنے والی جنوب مغربی ہواؤں کا اثر سمجھا جا سکتا ہے۔
