غازی پور :(ایجنسی)
سہیل دیو بھارتیہ سماج پارٹی کے قومی صدر اوم پرکاش راج بھر نے اپنے جلسوں کے دوران یوپی کے سی ایم یوگی آدتیہ ناتھ پر سیدھا حملہ کیا۔ 23 فروری کو غازی پور میں ایک اجتماع سے خطاب کرتے ہوئے او پی راج بھر نے سی ایم یوگی پر سخت حملہ بولا۔ انہوں نے کہا کہ یوگی کو گدی سے ہٹا کر وہاں بھیجیں گے، جہاں بھیک مانگنے کی ٹریننگ دی جاتی ہے۔ ان کے اس بیان پر سوشل میڈیا صارفین نے اپنے ردعمل کا اظہار کیا ہے۔
دراصل، او پی راج بھر غازی پور میں ایس پی اتحاد کے امیدوار کی حمایت میں جلسہ کر رہے تھے۔ انہوں نے کہا کہ سی ایم یوگی ایوان میں جو کچھ بھی کہتے تھے، اس پر ہم کچھ نہیں کہیں گے۔ آپ کو لکھنؤ کے تخت سے اٹھا کر وہاں بھیجیں گے جہاں بھیک مانگنے کی ٹریننگ دی جاتی ہے۔ او پی راج بھر کے اس بیان پر سوشل میڈیا صارفین نے ان کی زبان پر سوال اٹھائے ہیں۔
ملن سنگھ نامی صارف نے تبصرہ کیا کہ آپ ہمیشہ سے ہی ایسے تھے یا اکھلیش یادو کے ساتھ جا کر ایسے ہو گئے ہیں؟ صابر شیخ نامی ٹوئٹر ہینڈل سے یہ تبصرہ آیا، ’آئینی عہدے پر بیٹھے وزیر اعلیٰ کے لیے ایسا لفظ استعمال کرنا بہت غلط ہے۔‘ رمن نامی صارف لکھتے ہیں- ’ہمیشہ شائستہ زبان میں بات کرنے والے اکھلیش یادو اپنے اتحاد کے ساتھی کو کچھ نہیں سکھاتے؟
ارپت کمار نامی صارف لکھتے ہیں کہ پہلے آپ اپنی سیٹ بچائیں پھر آپ یوگی آدتیہ ناتھ کو بھیک مانگنے والے سینٹر بھیجیں گے۔ پریم سنگھ نامی صارف نے تبصرہ کیا کہ ’آپ کو وزیراعلیٰ کے لیے ایسی زبان استعمال کرنے سے پہلے کئی بار سوچنا چاہیے تھا۔‘ احمد انصاری نامی ٹوئٹر صارف نے ہنستے ہوئے ایموجی کے ساتھ لکھا کہ یہ بھیک مانگنے کی ٹریننگ کہاں دی جاتی ہے؟
سورج نامی صارف نے لکھا کہ لیڈروں کی ایسی زبان دیکھ کر دکھ ہوتا ہے کہ وہ خود ایک دوسرے کو نیچا دکھانے کے لیے کس سطح تک گر جاتے ہیں۔ آدتیہ سنگھ نامی ٹوئٹر ہینڈل سے لکھا گیا- سیاسی لڑائی میں اس طرح کی باتیں بالکل ناگوار ہیں۔ غور طلب ہے کہ او پی راج بھر کی پارٹی کا ایس پی کے ساتھ اتحاد ہے۔ او پی راج بھر کو ایس پی سربراہ اکھلیش یادو کے ساتھ بھی اسٹیج شیئر کرتے دیکھا گیا ہے۔
