ہریانہ کے سونی پت کے رائے گاؤں میں ہندو تنظیموں نے مسجد کو گرانے کے لیے مہاپنچائیت کا انعقاد کیا۔ یہ مسجد سونی پت کے سیکٹر 27 تھانہ علاقے کے تحت ایک کالونی میں ہے
انڈیا ٹی وی کی رپورٹ کے مطابق مہا پنچایت میں ہندو تنظیموں کے لیڈروں کے ساتھ ساتھ بی جے پی کے لیڈروں نے بھی شرکت کی۔ بی جے پی کے ایم ایل اے موہن لال برولی، ضلع صدر تیرتھ رانا، وزیر اعلیٰ کے سابق میڈیا مشیر راجیو جین بھی ہندو تنظیموں کی مہاپنچایت میں پہنچے۔ تیرتھ رانا نے مہاپنچایت میں مرکزی ڈائس سے اعلان کیا کہ پہلے بھی پاکستان سے ہندوستان آنے والی بس کو روکا گیا تھا اور اب اس مسجد کو بھی گرایا جائے گا۔ حکومت نہ ہوئی تو ہم خود مسجد گرا دیں گے۔ اگر مسجد غیر قانونی ہے تو میں حکومت کا انتظار نہیں کروں گا، میں خود استعفیٰ دے کر اسے توڑنے کے لیے کام کروں گا۔ تیرتھ رانا نے سونی پت کے کانگریس ایم ایل اے کو مسلمان کہا۔ انہوں نے کہا کہ سونی پت اسمبلی کے ایم ایل اے سریندر خان ہیں، سریندر پنوار نہیں۔
منچ سے ایم ایل اے موہن لال برولی نے بھی ہندو تنظیموں کی حمایت کی۔ انہوں نے کہا کہ آج غیر ملکی طاقتیں بھارت کو توڑنے کا کام کر رہی ہیں۔ سونی پت کے کچھ علاقوں میں ملک کو توڑنے والوں کی دراندازی ہوئی، لیکن عوام کے تعاون سے انہیں روکا گیا۔ مرکز اور ہریانہ حکومت اس پر توجہ دے رہی ہے۔
