آر ایس ایس کی طاقت میں زبردست اضافہ،ملک میں 71,355 مقامات پر موجود

۔
پانی پت : اکھل بھارتیہ پرتیندھی سبھا میں آر ایس ایس کے جوائنٹ جنرل سکریٹری ڈاکٹر منموہن ویدیا نے کہا کہ میٹنگ میں خواتین کو ‘شاکھاؤں’ سے جوڑنے پر بات چیت ہوگی۔ انہوں نے بتایا کہ 42,613 مقامات پر روزانہ 68,651 شاکھائیں چل رہی ہیں۔ ہفتہ وار 26,877 اجلاس ہوتے ہیں۔ 10,412 سنگھ منڈلی ہیں۔ 2020 کے مقابلے میں 6,160 برانچز کا اضافہ ہوا ہے۔ ہفتہ وار میٹنگز 32 فیصد بڑھ کر 6,543 ہوگئی ہیں۔ سنگھ کے دائرے میں 20 فیصد اضافہ ہوا۔ سنگھ ملک بھر میں 71,355 مقامات پر موجود ہے۔
چھ سالوں میں 7.25 لاکھ درخواستیں آئیں
میٹنگ سے پہلے جوائنٹ جنرل سکریٹری ڈاکٹر منموہن ویدیا نے بتایا تھا کہ 2017 سے 2022 تک کے 6 سالوں میں 7 لاکھ 25 ہزار لوگوں نے آر ایس ایس میں شامل ہونے کی درخواست سنگھ کی ویب سائٹ پر ڈالی ہے۔ یعنی ہر سال 1 لاکھ 20 ہزار لوگوں نے سنگھ میں شامل ہونے میں دلچسپی ظاہر کی۔ ان میں سے زیادہ تر کی عمریں 20 سے 35 سال کے درمیان تھیں۔ ان میں سے 75% کا مقصد سنگھ میں شامل ہونا اور سماجی خدمت کرنا تھا۔