سنبھل:SDM وندنا مشرا کا بھی تبادلہ،تشدد کے دوران تعینات تمام افسران  ہٹا دیئے گئے

سنبھل۔ سنبھل ضلع میں انتظامی نظام کو مزید مضبوط بنانے کے لیے ضلع مجسٹریٹ ڈاکٹر راجندر پنسیا نے بڑے پیمانے پر افسران کے تبادلے کے احکامات جاری کیے ہیں۔ اس ردوبدل میں سنبھل اور گننور تحصیلوں کے سب ڈویژنل مجسٹریٹس کے دائرہ اختیار کو تبدیل کر دیا گیا ہے۔ اس تبادلے کے ساتھ ہی گزشتہ سال 24 نومبر 2024 کو شاہی جامع مسجد سروے کے دوران تشدد کے وقت سرکل میں تعینات تمام افسران کو ہٹا دیا گیا ہے۔ اب سنبھل سرکل میں اس وقت کا کوئی تجربہ کار افسر نہیں
ڈاکٹر وندنا مشرا، جو پہلے سنبھل تحصیل کی ایس ڈی ایم تھیں، اب انہیں گناور تحصیل کا ایس ڈی ایم مقرر کیا گیا ہے۔ وکاس چندر کو سنبھل تحصیل کا نیا ایس ڈی ایم بنایا گیا ہے۔ دیپک چودھری، جو گننور کے ایس ڈی ایم تھے، کا تبادلہ بہجوئی ضلع ہیڈکوارٹر میں ڈپٹی کلکٹر کے عہدے پر کر دیا گیا ہے۔ اس کے علاوہ سنبھل تشدد کے دوران سرکل میں تعینات دیگر اہم عہدیداروں جیسے سرکل آفیسر انوج چودھری، اے ایس پی شریش چندر اور کوتوال انوج کمار کا پہلے ہی تبادلہ کر دیا گیا ہے۔ ان تبادلوں کے بعد سنبھل سرکل میں تشدد کے وقت سے اب تک کوئی افسر موجود نہیں ہے۔
ڈی ایم ڈاکٹر راجندر پنسیا نے کہا کہ یہ تبادلے انتظامی کارکردگی میں اضافہ اور ضلع میں امن و امان کو مضبوط بنانے کے لیے کیے گئے ہیں۔ نئے افسران کو تحصیل کی سطح پر عوامی شکایات کا فوری ازالہ کرنے اور ترقیاتی کاموں کو تیز کرنے کی ذمہ داری سونپی گئی ہے۔ یہ قدم طویل عرصے سے زیر التوا تھا اور ضلع میں شفاف اور موثر انتظامیہ کو یقینی بنانے کے لیے اٹھایا گیا ہے۔