رام مندر پر مبینہ قابل اعتراض تبصرہ کرنے پر جموں میں متعدد افراد گرفتار ، کئی ایف آئی آر درج

جموں و کشمیر پولیس ان لوگوں پر سختی سے گرفت کر رہی ہے جنہوں نے مبینہ طور پر رام مندر پر قابل اعتراض تبصرہ کیا ہے، متعدد مقدمات درج کر کے جموں ڈویژن بھر میں متعدد افراد کو گرفتار کیا ہے۔
ٹیلیگراف آن لائن نے اپنے نامہ نگار مظفر رینا کی ایک رپورٹ شائع کی ہے جس کے مطابق پولیس نے کہا کہ جموں ضلع میں دو افراد کو گرفتار کیا گیا اور چھ افراد کے خلاف سوشل میڈیا پر دو فرقوں کے درمیان فرقہ وارانہ کشیدگی پیدا کرنے کے لیے قابل اعتراض مواد اپ لوڈ کرنے کے الزام میں مقدمہ درج کیا گیا۔
گرفتار شدگان میں سے ایک کی شناخت ظفر حسین کے طور پر کھنہ چارگل کے رہائشیوں نے کی ہے جو جموں ضلع کے مضافات میں ہے۔کچھ رپورٹس میں دعویٰ کیا گیا ہے کہ گرفتار ہونے والا دوسرا شخص ایک لڑکی ہے انڈرگریجویٹ اسٹوڈنٹ ہے، حالانکہ اس کے خاندان نے اس کی گرفتاری سے انکار کیا ہے۔”اس پر بھی مقدمہ درج کیا گیا ہے لیکن ابھی تک گرفتار نہیں کیا گیا ہے۔ تاہم کچھ دیگر نوجوانوں کو بھی پوچھ گچھ کے لیے اٹھایا گیا ہے۔ ہم نے ان کی ضمانت کے لیے عدالت سے رجوع کیا ہے،‘‘ لڑکی کے رشتہ دار نے ٹیلی گراف کو بتایا۔
رشتہ دار نے بتایا کہ لڑکی ظفر کی کزن تھی اور دونوں نے مسمار شدہ بابری مسجد پر کچھ تبصرے پوسٹ کیے تھے۔انہوں نے کہا کہ وہ بابری مسجد کے انہدام اور اس جگہ مندر کی تعمیر پر ناراض تھے۔
ٹیلیگراف کے مطابق پولیس نے کہا کہ ظفر اور دیگر نوجوانوں کے خلاف نگروٹا پولیس اسٹیشن میں ایک رہائشی کی شکایت کے بعد مقدمہ درج کیا گیا، جو کہ دوسرے فرقہ سے ہے۔
جموں ڈویژن کے ریاسی، رام بن، راجوری اور کٹھوعہ اضلاع میں بھی متعدد مقدمات درج کیے گئے ہیں۔
ریاسی ضلع پولیس نے کہا کہ انہوں نے سوشل میڈیا پلیٹ فارم پر قابل اعتراض مواد پوسٹ کرنے پر دو ایف آئی آر درج کی ہیں اور تین افراد کو گرفتار کیا ہے۔
پولیس نے بتایا کہ ایس ایس پی ریاسی امت گپتا کی ہدایت پر فوری کارروائی کرتے ہوئے ایک ایف آئی آر پولیس اسٹیشن، ریاسی میں اور ایک ایف آئی آر پولیس اسٹیشن ارناس میں درج کی گئی ہے، "۔
گپتا نے لوگوں کو مشورہ دیا کہ وہ سوشل میڈیا پر کسی بھی قابل اعتراض مواد کو پوسٹ کرنے سے گریز کریں جس سے علاقے میں امن اور ہم آہنگی کو نقصان پہنچے۔