نوح فساد کا سائیڈ افیکٹ: تجاوزات کے نام پر کچی بستیوں کی جھگیاں بلڈوز

تاؤڑ (نوح)۔ (محمد صابر قاسمی )
شہر کے محمد پور روڈ وارڈ نمبر 1 میں ہریانہ اربن اتھارٹی کی اراضی کو بلڈوزر کے ذریعے زمین بوس کر دیا گیا، خیال کیا جا رہا ہے کہ آسام کے لوگ کچی بستیوں میں رہ رہے تھے۔اس دوران پولیس کی بھاری نفری موجود تھی۔ موقع پر موجود معلومات کے مطابق آسام سے آنے والے لوگ جھگی جھونپڑیوں میں رہ رہے تھے جو کہ سرکاری زمین پر گزشتہ تقریباً 4 سال سے رہ رہے تھے، تقریباً ایک ایکڑ اراضی میں 250 سے زیادہ جھونپڑیاں ہیں۔ جس میں خاندان کے 250 افراد شامل ہیں۔معلومات کے مطابق یہ کارروائی ریاست کے وزیر اعلیٰ کے حکم پر کی گئی ہے۔ اس موقع پر اسٹیٹ آفیسر سدھارتھ داہیا تاؤڑو آفیسر سنجیو کمار سپرنٹنڈنٹ آف پولیس نریندر بجرانیا ٹرینی آئی اے ایس لکشیت سرین سمیت سینئر افسران موجود تھے۔کسی بھی گڑبڑ سے نمٹنے کے لیے پولیس اور نیم فوجی دستوں کو تعینات کیا گیا تھا
کرفیو کے دوران کی گئی کارروائی کو دیکھ کر ہر کوئی ۔حیران تھا۔
واضح ہو کہ اس پوری کارروائی کو نوح تشدد سے جوڑ کر دیکھا جا رہا ہے۔ خیال کیا جاتا ہے کہ جلوس میں تشدد پھیلانے والے باہر کے لوگ تھے۔ تاؤڑو کے ایس ڈی ایم سنجیو کمار نے بتایا کہ سرکاری اراضی پر ناجائز تجاوزات کو ہٹانے کے مقصد سے حکومت کے حکم پر معمول کے مطابق کارروائی کی گئی ہے