لکھنؤ:(ایجنسی)
اتر پردیش میں راشٹریہ سویم سیوک سنگھ (آر ایس ایس) اب 2025 تک ریاست کے تمام دیہاتوں تک پہنچنے اور بے روزگاری کے مسئلے کو حل کرنے میں حکومت کی مدد کرنے پر کام کر رہا ہے۔ آر ایس ایس کے ایک سینئر کارکن اشوک دوبے نے کہا کہ تمام دیہاتوں میں ‘شاکھاوں کا منصوبہ 2024 تک مکمل ہو سکتا ہے۔ لوک سبھا انتخابات 2024 میں ہونے والے ہیں اور آر ایس ایس 2025 میں 100 سال پورے کرے گا۔
ای اے این ایس کی رپورٹ میں کہا گیا ہے دوبے کے مزید کہا کہ، آر ایس ایس کا دیہی توسیعی منصوبہ لوک سبھا انتخابات سے پہلے بی جے پی کو اچھی حالت میں رکھے گا۔ آر ایس ایس کے سربراہ موہن بھاگوت اس وقت اتر پردیش میں ہیں۔ انہوں نے گورکھپور کا دورہ کیا جہاں انہوں نے وزیر اعلی یوگی آدتیہ ناتھ سے ملاقات کی۔ گورکھپور کے بعد بھاگوت وزیر اعظم نریندر مودی کے لوک سبھا حلقہ وارانسی کا دورہ کرنے والے ہیں۔ دیہی علاقوں میں ’شاکھا‘ قائم کرنے کے علاوہ، سنگھ کے کارکن ذات پات سے پاک معاشرے کی ضرورت پر بھی بات کریں گے۔ ذات پات سے پاک معاشرے کی مہم آر ایس ایس کی ایک دیرینہ کوشش کا حصہ ہے جس میں ہندوؤں کو ایک ہم خیال پارٹی کو ووٹ دینے کے لیے متحد کرنا ہے۔
دوبے نے کہا، ’اودھ ریجن میں جس کے 13 اضلاع ہیں، تقریباً 2,200 شاکھاوں کا انعقاد کیا جا رہا ہے جن میں ہفتہ وار ‘ملن‘ (ملاقات) اور ماہانہ ‘’منڈالیس‘ شامل ہیں۔ انہوں نے کہا کہ 2017 سے جب ریاست میں بی جے پی کی حکومت بنی ہے، نوجوانوں نے سنگھ میں شامل ہونے میں کافی دلچسپی ظاہر کی ہے۔‘ انہوں نے مزید کہا کہ کئی جگہوں پر، اسکول اور کالج جانے والے طلباء اب شاکھا سنبھال رہے ہیں۔ یہی وجہ ہے کہ آر ایس ایس نے اپنے ‘سودیشی جاگرن منچ کو ایک ایسی جگہ فراہم کرنے کے طریقے تلاش کرنے میں شامل کرنے کا فیصلہ کیا ہے جہاں ملازمت کے متلاشیوں کو دستیاب ملازمتوں کی تعداد اور نوعیت کے بارے میں معلومات حاصل ہوں اور انہیں مطلوبہ مہارت کے سیٹس کے بارے میں معلومات حاصل ہوں۔ ملازمت کے متلاشیوں اور ملازمت فراہم کرنے والوں دونوں کے لیے باہمی جیت کی صورت حال کو یقینی بنانے کے لیے ایک منصوبہ تیار کیا جا رہا ہے۔
