‘منی پور میں لیبیا شام جیسے حالات’ ایک سابق فوجی افسر کا ٹویٹ

منی پور میں صورتحال ابتر ہے۔ پی ایم مودی، وزیر داخلہ امت شاہ اور وزیر دفاع راج ناتھ سنگھ کو اپنے ٹویٹ کو ٹیگ کرتے ہوئے ایک فوجی افسر نے کہا ہے کہ یہ ریاست اب اسٹیٹ لیس ہو چکی ہے۔ اس فوجی افسر کے ٹویٹ کو ری ٹویٹ کرتے ہوئے سابق آرمی چیف وی پی ملک نے حکومت سے فوری اقدامات کرنے کو کہا ہے۔
سابق آرمی چیف جنرل وی پی ملک (ریٹائرڈ) نے منی پور کی صورت حال پر "فوری توجہ” دینے کا مطالبہ کیا ہے، جہاں میتی برادری اور قبائلی کوکی برادری کے درمیان 3 مئی سے نسلی تنازعہ چل رہا ہے۔ ریاست کی بگڑتی ہوئی صورتحال پر منی پور کے ایک ریٹائرڈ سینئر فوجی افسر کے ٹویٹ کا حوالہ دیتے ہوئے، جنرل ملک نے وزیر اعظم نریندر مودی، وزیر دفاع راجناتھ سنگھ اور وزیر داخلہ امت شاہ کو "اعلیٰ سطح پر فوری توجہ” دینے کے لیے ٹیگ کیا۔
قبل ازیں، منی پور کی راجدھانی امپھال کے رہنے والے لیفٹیننٹ جنرل ایل نشی کانت سنگھ (ریٹائرڈ) نے مرکزی وزیرمملکت آر کے رنجن سنگھ کا گھر نذرآتش کیے جانے کے ایک دن بعد ٹویٹ کیا کہ ریاست اب "اسٹیٹ لیس” ہے۔ رنجن سنگھ کے گھر کو شرپسندوں نے آگ لگا دی۔میں منی پور سے ایک سادہ ریٹائرڈ ہندوستانی ہوں۔ ریاست اب ‘ اسٹیٹ لیس’ ہے۔ لیبیا، لبنان، نائیجیریا، شام وغیرہ کی طرح کسی کی بھی جان و مال کو تباہ کیا جاسکتا ہے۔ ایسا لگتا ہے کہ منی پور کو اپنی حفاظت کے لیے چھوڑ دیا گیا ہے۔ ہےکوئی سننے والا ہے؟
لیفٹیننٹ جنرل سنگھ 40 سال تک ستیہ ہندی کے مطابق ہندوستانی فوج میں خدمات انجام دینے کے بعد 2018 میں ریٹائر ہوئے۔ وہ انٹیلی جنس کور کے ساتھ بھی تھے ۔ لیکن جنرل ملک کے ٹویٹ کے نیچے کچھ لوگوں نے لکھا ہے کہ ان سابق فوجی افسر نے حال ہی میں کوکی عوام کے خلاف نفرت انگیز ٹویٹس بھی کی تھیں۔